ზუგდიდიშ მუნიციპალიტეტი

რაიონს უკინებუ ოდიშიშ რზენი, ოდიშიშ პლატო დო ურთაშ გვალამი ზონა. ტერიტორია — 683 კვ.კმ., თინეფი შქას ოოფუტე-სამეურნეო ორგალეფს უკინებუ 340 კვ.კმ. რაიონს წყარმალუეფიშ ფშხირი რშვილი რე, ბრელიე ჭყენჭი დო მორჩილი ტობეფი. წყარმალუ ინგირიშ გალე ზუგდიდიშ მუნიციპალიტეტიშ ტერიტორიას კვათჷნს წყარმალუეფი: ჯუმი, ჩხოუშია, წენწყარი, რუხი დო შხვა.

მახორობაშ მუდანობა — 62 511 კოჩი (2014); მეჭედალა — 91,5 კოჩი კვ.კმ-ს. რაიონს 59 დოხორინელი პუნქტი რე: 1 ნოღა, 58 ოფუტე. დიდი ოფუტეეფი რე: ინგირი (4,0 ვითოში), კახათი (4,0 ვითოში), ჭითაწყარი (3,3 ვითოში) დო რუხი (2,8 ვითოში).

მუნიციპალიტეტიშ აბანობური სხუნუშ უმაღალაში ორგანო რე ტერიტორიული ორგანო, აღმასრულებელი პოსტიშ პიჯი — გამგებელი. მუნიციპალიტეტი ირთუ გეჸვენჯი ტერიტორიული ართურეფო:

• 1 ნოღა — ზუგდიდი;
• 17 თემი — აბასთუმანი, ანარკია, ახალსოფელი, დიდი ნეძი, ერგეტა, ინგირი, კოკი, კორცხელი, ნარაზენი, ოდიში, ორულუ, ოქტომბერი, რუხი, ჩხორია, ცაიში, ჭაქვინჯი, ჯიხაშკარი;
• 12 ოფუტე — 12: ახალი აბასთუმანი, ახალკახათი, განარჯიაშ მუხური, გრიგოლიში, დარჩელი, კახათი, ორსანტია, რიყე, ურთა, ყულიშკარი, შამგონა, ჭითაწყარი, ჭკადუაში.

ზუგდიდიშ მუნიციპალიტეტიშ ეკონომიკას თარი როლი ორხველჷ სუბტროპიკული ოფუტეშ მეურნობას, კერძოთ მეჩაიეობას დო თიშა გერსხილ გინომუშებულ რეწუალას. ოფუტეშ მეურნობაშ შხვა დარგეფი რე მეციტრუსობა, მეხილეობა, მებინეხეობა. შანულამი ოწარმონეფიე ჩაიშ ფაბრიკეფი, ფაიფურიშ, ხაბაკიშ დო ღვინიშ ქარხანეფი, ცელულოზა-ქაღარდიშ კომბინატი. რაიონიშ ტერიტორიას გიშმურს ობჟათე კავკაციაშ რკინაშარაშ მაგისტრალი.

რაიონს 80 სახენწჷფო დო 3 დორხველური ზოგადსაგანმანათლებელო სკოლა რე, 4 ოშქაშე პროფესიული დო 3 უმაღალაში ოგურაფუ (ზუგდიდიშ ზოხორინელი უნივერსიტეტი, საქორთუოშ სახენწჷფო ფიზიკური რდუალაშ დო სპორტიშ აკადემიაშ ზუგდიდიშ ფილიალი, შოთა მესხიაშ ჯოხონობაშ ზუგდიდიშ სახენწჷფო ოგურაფუ უნივერსიტეტი, 41 ბიბლიოთეკა, 1 თეატრი დო 1 მუზეუმი.

ისტორიული ობიექტეფი რე:

• დადიანეფიშ დოხორე ზუგდიდს
• კორცხელიშ ჯიხა
• ცაიშიშ ოხვამე
• ანაკლიაშ ჯიხა
• რუხიშ ჯიხა
• ზუგდიდიშ ბოტანიკური ბაღი

• ტაროზი ზუგდიდც (weather.boom.ge).
• სამარგალო-ჟიმოლენი შონეშ ოაკანე ადმინისტრაცია. Archived 2020-11-26 ვებ-ხასჷლას Wayback Machine.
• ზუგდიდი.ge
• zugdid.ge^{[ღურელი რსხილი]}
• ბლოგი ზუგდიდშე