კალიფორნიაშ უნივერსიტეტი (ლოს-ანჯელესი)
კალიფორნიაშ უნივერსიტეტი (ლოს-ანჯელესი) (ინგლ. University of California, Los Angeles (UCLA)) — ოჯარალე უნივერსიტეტი ააშს, კალიფორნიაშ შტატიშ ნოღა ლოს-ანჯელესის. უნივერსიტეტიქ დირსხუ 1919 წანას დო თინა კალიფორნიაშ უნივერსიტეტიშ სისტემაშე ართ-ართი რე დო სიჯვეშათ კალიფორნიაშ უნივერსიტეტეფიშ კამპუსეფიშე მაჟირა რე, ბერკლიშ უკული. უნივერსიტეტი იკათუანს 5 ობაკალავრე კოლეჯის, 7 პროფესიულ სკოლას დო 4 ომედიცინე სკოლას.
| კალიფორნიაშ უნივერსიტეტი (ლოს-ანჯელესი) ინგლ. University of California, Los Angeles | |
.jpg)  | |
| დევიზი | Fiat lux (ლათ.) |
|---|---|
| დირსხუ | 1919 |
| ტიპი | ოჯარალე |
| ფონდეფი | $ 7.4 მლრდ. (2020) |
| წორომახანდე | 4,016 (აკადემიური) |
| კანცლერი | ჯინ ბლოკი |
| პროვოსტი | ემილი კარტერი |
| სტუდენტი | 45,742 (2019) |
| ორენი |  ვესტვუდი, ლოს-ანჯელესი, კალიფორნია, ააშ |
| კამპუსი | ურბანული (189 ჰა) |
| ფერეფი | ლენი დო ორქოშფერი |
| საიტი | ucla.edu |
 | |
კალიფორნიაშ უნივერსიტეტი (ლოს-ანჯელესი) ამერიკაშ დო მოსოფელიშ ართ-ართი პრესტიჟული უნივერსიტეტი რე დო თის მოსოფელიშ უნივერსიტეტეფიშ რეიტინგის ირო ლიდერი პოზიცია უკინებჷ. 2021 წანაშ მუნაჩემეფით უნივერსიტეტიშ კურსნათებუეფი დო უნივერსიტეტიწკჷმა აფილირებულეფი რდეს: ნობელიშ პრემიაშ 27 ლაურეატი, ტიურინგიშ პრემიაშ 5 ლაურეატი, ფილდსიშ მენდალიშ 1 ლაურეატი, 11 ფულბრაიტიშ სტიპენდიანტი, 12 მაკარტურიშ სტიპენდიანტი, 10 მენცარობაშ ერუანული მენდალიშ ლაურეატი, 3 დუდიშალაშ ოპრეზიდენტე მენდალიშ ლაურეატი, 3 პულიცერიშ პრემიაშ ლაურეატი, 1 პრიცკერიშ პრემიაშ ლაურეატი, 12 როდსიშ სტიპენდიანტი, ოსკარეფიშ 105 გომორძგვილი დო ემიშ ჯილდოშ 278 გომორძგვილი. უნივერსიტეტიშ ასეიან პროფესურაშე, 55 რე ამერიკაშ მენცარობეფიშ ერუანული აკადემიაშ მაკათური, 32 ინჟინერიაშ ერუანული აკადემიაშ მაკათური, 41 მედიცინაშ ერუანული აკადემიაშ მაკათური დო 156 ამერიკაშ ხელუანობეფიშ დო მენცარობეფიშ აკადემიაშ მაკათური. 1974 წანაშე კალიფორნიაშ უნივერსიტეტი (ლოს-ანჯელესი) რე მაკათური ამერიკაშ უნივერსიტეტეფიშ ასოციაციაშ.
კალიფორნიაშ უნივერსიტეტიშ (ლოს-ანჯელესი) სტუდენტი-სპორტსმენეფი რეგულარულო მონაწილენა ოლიმპიადეფს დო შხვა სპორტულ ტურნირეფს. 2022 წანაშ მუნაჩემეფით უნივერსიტეტის ჸუნს ოლიმპიადეფიშ 270 მედალოსანი. ჸათავრეშე 136 ორქოშ, 71 ვარჩხილიშ დო 63 ბრინჯაოშ მედალოსანი. უნივერსიტეტის, 1932 წანაშე ჸუნდჷ ორქოშ მედალოსანი სპორტსმენი არძა ოლიმპიადას.
რესურსეფი ინტერნეტის
