რაშმორიშ გვალა
რაშმორიშ გვალაშ ერუანული მემორიალი (ინგლ. Mount Rushmore National Memorial), კისტოუნწკჷმა (ობჟათე დაკოტა) — ააშ-იშ პრეზიდენტეფიშ მემორიალი, ნამუთ ამერიკაშ დაბადებაშ, რდუალაშ, დუდიშულობაშ დო ძინაშ შვენას ოძღვინჷ. ედომუშამი მემორიალი 518 ჰექტარი რე დო 1745 მ სიმაღალას გეძჷ (ზუღაშ ოკუჩხალეშე)[1]. კირდეს ნოკვეთი ააშ-იშ პრეზიდენტეფიშ ჯორჯ ვაშინგტონიშ, თომას ჯეფერსონიშ, თეოდორ რუზველტიშ დო აბრაამ ლინკოლნიშ პროფილეფი გვალაშ ობჟათე-ბჟაეიოლუ კართეს[2]. მემორიალს წანმოწანას სოდგარენი 2 მილიონი მაძირაფ ჸუნს[3].
-2_new.jpg)
გვალაშ ჯოხო ჩინებული ნიუ-იორკალი იურისტიშ ჩარლზ რაშმორიშ გურშენი გიოდვეს 1885 წანას. გვალას მონუმენტიშ ეშაკვათუაშ იდეაქ დებადჷ ობჟათე დაკოტაშ ბლეკ-ჰილზ რეგიონს ტურიზმიშ ძინაშენ. გირძე ხანიანი მორაგადაფეფიშ უკული, ნამუსჷთ ოკათჷდჷ ოკონგრესე დელეგაცია დო პრეზიდენტ კალვინ კულიჯი, პროექტიქ კონგრესიშ ქოია მიღჷ. კვათუაშ სამუშეფქ 1927 წანას დიჭყჷ დო 1941 წანაშახ მიშჷ.
ფაქტეფი
- ბრიტანული როკ-ბუნაშ Deep Purple-იშ ჩინებული ალბომიშ Deep Purple in Rock გადვალარიშ დიზაინი დორსხუაფილი რე რაშმორიშ გვალაშ თემას — თის გეხანტ ბუნაშ ხუთი მაკათურიშ კირდეს გიშნაკვათა სახე.
სქოლიო
რესურსეფი ინტერნეტის
შეგილებუნა ქოძირათ მედიაფაილეფი თემაშე „რაშმორიშ გვალა“ ვიკიოწკარუეს.- ოფიციალური ვებ-ხასჷლა
- Google Maps
