中二病（日文：中二病、廚二病[註 1]），又叫做初二病，係源自日本嘅流行語，泛指一種自我認知心態，用嚟形容一啲經常自以為是噉活喺自己世界、做出自我滿足嘅特別言行，或賦予自己一啲自認為有型嘅特性但同時稚氣未脫嘅人。呢啲情況據稱經常喺中學二年級發生，所以叫做「中二病」。一般常見嘅中二病患者係將幻想類小說同埋動畫入面常見嘅題材加上自我概念嘅修改所製造出嘅規則，套用喺自己同現實身上。