去納粹化
去納粹化 (德文：Entnazifizierung) 係一個二次大戰之後嘅過程，目標係剷走任何同納粹德國有關嘅嘢，包括踢走重要人物、改街同村名、同埋拆路牌同碑等等。
歷史
喺1945年，納粹德國終於喺二次大戰打輸仗。到德國投降之後，同盟國就開始咗呢個去納粹化嘅過程，喺德國人嘅社會完全咁將納粹主義剷走，由頭嚟過。
首先，任何喺納粹黨或者黨衛隊有好高職位嘅人即刻踢走咗，而有份參與戰爭罪嘅就去咗紐倫堡審判。
呢個概念本身喺1943年創出嚟嘅時候，美國國防部原本嘅意思，純碎係改德國嘅法律系統，不過之後就代表埋個社會更加廣泛嘅改變[1]。
到1945年尾，冷戰開始越嚟越明顯；因為西德對美國嘅反共陣營好重要，所以美國對去納粹化開始唔耐煩，想將重點由納粹德國轉移到去蘇聯嗰度。喺同盟國佔領德國之中，法國嘅去納粹化係做得最淡，而美國同英國到1946年都已經冇乜動力繼續做。
呢個政策喺西德到後期亦都開始唔受歡迎，有部分原因係因為總理阿丹拿自己本身都係納粹黨員，希望個國家能夠唔好停留喺剷除納粹德國嘅階段，反而係繼續向前行[2]。
相反，蘇聯就非常有動力去繼續去納粹化嘅政策，因為覺得呢個係將東德化身成為社會主義國家嘅重要步驟。雖然係咁，不過仍然有啲前納粹黨成員甩到身，主要都係因為幫到當地嘅共產黨做嘢[3]。