小蘋果 (歌)
(由小蘋果 (歌曲)跳轉過嚟)
小蘋果（粵拼：siu2 ping4 gwo2；簡化字：小苹果）係由筷子兄弟喺2014年5月13號發佈嘅一首歌，由王太利負責作曲同作詞。佢係電影《老男孩之猛龍過江》嘅宣傳曲。呢首歌曲由於喺網絡俾人改咗幾個版本而出咗名[1][2]。
| 小蘋果 | |
|---|---|
| 筷子兄弟嘅單曲 | |
| 發行日期 | 2014年5月29號 |
| 語言 | 普通話 |
| 唱片公司 | 樂視影業 |
呢首歌喺2014年11月24號嘅全美音樂大獎入面攞到獎[3]，再喺2014年12月3號嘅亞洲音樂大獎入面攞埋大獎[4]。
衍生作品
呢首歌曲嘅原版唔單止出咗遊戲版、金正恩版[5]、軍營版[6]、蘇州軌道交通版[7]、韓文版[8][9]同埋趙科岩版[10]。以下係粵語版嘅衍生作品：
大菠蘿版
喺2014年6月15號，廣州地區嘅星海音樂學院嗰度嘅「米米電台」搞咗個大菠蘿版嘅小蘋果，結果有6000幾嘅收視率[11]。
舌尖上的黃沙版
喺2014年9月26號，新浪微博入面有位叫「江南西人」嘅網友相繼發佈咗佢自己改版嘅小蘋果——舌尖上的黃沙，結果有20000幾嘅收視率[12]。