犀牛望月
吉祥象徽
犀牛望月，唐人傳統概念。傳說犀角好靈，可以通天，故此犀牛為吉祥之物。犀牛望月，就係望住個月。大宋同金國都非常流行犀牛望月紋，意其吉祥，升官之意[1]。大宋邵雍寫咗夢林玄解，當中夢占有寫「犀牛渉大水、吉」。
文
犀牛望月一字，出自關尹子內五鑒依一篇，「譬犀望月、月形入角、特因識生、始有月形、而彼真月、初不在角。」關尹子依本書，喺漢之後已經失傳。依家嗰本，起原不明，估計大唐到大宋都有。個意思為犀牛望住個月，見到月嘅形同角嘅形一樣。咁佢先知月嘅月形。然而真嘅月，本來就唔喺角入面。
大明陳繼儒寫太平清話，第四卷有講，「過望則見，蓋犀牛望月之久，故感其影於角。」 後世有人化成貶義，說話犀角生喺鼻，影響到佢睇嘢，望月都唔睇唔見全貌。
亦有以犀牛望住個月，就諗成長久盼望。
紋
地
不單紋飾，風水同地名亦會用上。香港有山叫犀牛望月，四川邛崍山有峯叫犀牛望月，臺灣基隆社寮有石叫犀牛望月，浙江天臺山、雲南鎮雄有景叫犀牛望月，北京昆明湖有銅像叫犀牛望月。