石岐話

以下比較唨石岐話戥廣州話詞彙上嘅差異。

以下爲石岐話音系介紹。^[3][4]

聲母

聲母大致上同廣州話差唔多。廣州話同石岐話嘅分別：

• 溪母大多數都保留返個/kʰ/音，唔會變咗曉母。例子有「庫」/kʰu/（廣州話：fu3 ）；
• 疑母冚𠾴唥都保留/ŋ/音。例子有「魚」/ŋy/（廣州話：jyu4）；
• 非敷奉母合口三等字讀/hu/（/ho/），譬如「風」/hong/（廣州話：fung1）。

• /h/喺後元音/u/、/o/前接近/x/。^[3]

韻母

石岐話同廣州話有以下大概嘅對照：

• 廣州話 -ei 音（即係古止攝開口字，包括幫端見系） 係對應石岐話 -i 音，譬如「幾」/ki/、「其」/kʰi/、「皮」/pʰi/、「四」/si/。
• 有啲廣州話 -eoi 音（即係古遇攝三等精見曉組元音）係對應石岐話 -yu 音，譬如「居」/ky/、「娶」/tsʰy/。
• 古效攝一等同埋古遇攝一等幫端系字冇撈亂到，譬如「寶」/pou/、補 /pu/。即係有啲廣州話 -ou 音係對應石岐話 -u。
• 有啲廣州話 -eoi 音（即係古蟹止三等合口端系）係對應石岐話 -ui 音，譬如「累」/lui/、「推」/tʰui/。
• 有啲廣州話 -am 音（即係古咸攝覃談韻見系）係對應石岐話 -om 音，譬如「甘」/kom/、「盒」/hop/。
• 有啲廣州話 -ing 音（古梗攝三等合口字）係對應石岐話 -eng 音，譬如「榮」/eng/(?)。

聲調

石岐話係最少聲調嘅粵語方言，淨係得六聲四調，應該係因爲受咗客家話影響^[5]。聲調嘅兩大特徵如下：

1. 石岐話嘅陽平係51，同廣州話嘅21/11好唔同
2. 石岐話嘅上聲同去聲冇分陰陽，中入同陽入亦都結合咗