華南電影工作者聯合會
華南電影工作者聯合會（South China Film Industry Workers Union，簡稱“華南影聯”）係一個親中派電影專業人員團體，前身係「華南電影工作者聯誼會」，1949年7月10號成立，同年更改成依家嘅名，亦係香港首個電影專業人員團體。創會初期只限於粵語片從業員，之後容納國語片範疇，最終擴大去到電視、電台、話劇同藝術攝影界。聯合會永久會址位於九龍城獅子石道。而家嘅會長係周驄[1]。
政治參與
華南電影工作者聯合會屬於香港親中派嘅一份子，喺香港立法會體育、演藝、文化及出版界功能界別入面，華南影聯係界別入面「演藝界行業協會及本地持牌廣播機構」之一[2]。喺2003年，華南影聯亦同工聯會合作，策劃同製作大型舞台劇《歲月的風采》，並得到當時唔同香港政府司局長、中國負責駐港事務同廣東省嘅官員支持。工聯會就呢次舞台劇發表嘅新聞稿，亦用上「老朋友」三個字形容華南影聯[3]。