Christene
Christene glo in die drie-enige God – Vader, Seun en Heilige Gees – Skepper van die hemel en die aarde en die Onderhouer van alle dinge. Hulle glo dat Jesus Christus, die Seun, sowat 2000 jaar gelede aan die kruis gesterf het om die sondige mens van sy sondes te verlos, opgestaan het uit die dood, opgevaar het na die hemel en op 'n dag sal terugkeer om die mensheid te oordeel.
| Christene | |
|---|---|
 | |
| Totale bevolking: | ca. 2,4 miljard (2015)[1][2] |
| Belangrike bevolkings in: |  Europese Unie 373 656 000[3]
|
| Taal: | Oorwegend gesproke tale:[4] Spaans • Engels • Portugees • Russies • Mandaryns-Chinees • Frans • Duits • Pools • Oekraïens • Tagalog • Italiaans • ander inheemse tale van die wêreld |
| Geloofsoortuiging: | Christendom:
|
| Verwante etniese groepe: | |
Christene beskou die Bybel as die onfeilbare Woord van God. Hulle glo voorts in verlossing deur genade, met antwoorde dat 'n mens nooit die ewige lewe op grond van goeie werke deelagtig kan word nie, maar suiwer deur God se genadige redding (jou "wedergeboorte").
Wedergebore Christene verklaar met 'n absolute sekerheid dat hulle geredde kinders van God is wat tot in alle ewigheid deel sal hê in Sy koninkryk – en in dié opsig verskil die Christendom radikaal van ander godsdienste.
In Suid-Afrika, soos wêreldwyd, is die Christendom egter in talle kerkgenootskappe en sektes versplinter. Dikwels is die skismas (kerkskeuringe) die gevolg van verskillende interpretasies van minder kardinale sienings wat tog nie die hoofboodskap van die Christendom aantas nie.
Die woord "Christen" kan manlik of onsydig wees en "Christin" verwys na 'n vroulike persoon.
Bevolkingstatistiek
Vanaf die vroeë 21ste eeu het die Christendom ongeveer 2,2 miljard medegelowiges.[7][8][9] Dit sluit sowat ’n kwart of ’n derde van die wêreldbevolking in en is die grootste godsdiens ter wêreld, met sowat 38 000 Christelike denominasies.[10] Christene het vir die afgelope 100 jaar omtrent 33% van die wêreldbevolking uitgemaak. Die grootste Christelike denominasie is die Rooms-Katolieke kerk, met 1,166 miljard medegelowiges, wat die helfte van die Christendom beslaan.[11]
| Land | Christene | % Christene |
|---|---|---|
 Verenigde State | 176 400 000 | 78,4% |
 Brasilië | 174 700 000 | 90,4% |
 Meksiko | 105 095 000 | 94,5% |
 Rusland | 99 775 000 | 70,3% |
 Filippyne | 90 530 000 | 92,4% |
 Nigerië | 76 281 000 | 48,2% |
 Demokratiese Republiek van die Kongo | 68 558 000 | 95,6% |
 China | 66 959 000 | 5,0% |
 Italië | 55 070 000 | 91,1% |
 Ethiopië | 54 978 000 | 64,5% |
 Duitsland | 49 400 000 | 59,9% |
 Colombia | 44 502 000 | 97,6% |
 Oekraïne | 41 973 000 | 91,5% |
 Suid-Afrika | 39 843 000 | 79,7% |
 Argentinië | 37 561 000 | 92,7% |
 Pole | 36 526 000 | 95,7% |
 Spanje | 35 568 000 | 77,2% |
 Frankryk | 35 014 000 | 53,5% |
 Kenia | 34 774 000 | 85,1% |
 Uganda | 29 943 000 | 88,6% |
Verwysings
Verdere leesstof
- (en) Bickerman, Elias J. (April 1949). "The Name of Christians". The Harvard Theological Review. 42 (2): 109–124. doi:10.1017/s0017816000019635. JSTOR 1507955.
- (en) Bickerman, Elias J. (1986). Studies in Jewish and Christian history. ISBN 90-04-04395-0.
- (en) Wuest, Kenneth Samuel (1973). Wuest's word studies from the Greek New Testament. Vol. 1. ISBN 978-0-8028-2280-2.
Eksterne skakels
Wikimedia Commons het meer media in die kategorie Christene.
