Port Louis

Port Louis is die hoofstad, grootste stad en grootste hawe in die eilande-nasie van Mauritius. Dit is geleë in die Port Louis-distrik, en die westelike deel lê ook in die Rivière Noire-distrik. Dit is die hoofstad van Mauritius en word geadministreer deur die Munisipale Stadsraad van Port Louis.

Port Louis
Kaart	Wapen
	Vlag
Land	Mauritius
Koördinate	20°10′S 57°30′O / 20.167°S 57.500°O / -20.167; 57.500
Stigting	1735
Vernoem na	Louis XV
Oppervlakte:
- Totaal	46.7 vk km
Hoogte bo seevlak	134 m
Bevolking:
- Totaal (2012)	148001
- Bevolkingsdigtheid	3169/vk km
Etniese groepe:
- Indiërs	~75%
- Swartes	~24%
- Chinese	>1%
Tydsone	MUT (+4)
- Somertyd	Geen
Burgemeester (party)	Fritz Thomas
Amptelike webwerf	mpl.intnet.mu/home.htm

Die stad is die land se ekonomiese, kulturele en politieke sentrum. Volgens Statistiek Mauritius se sensus in 2012 het die bevolking 148 001 getel.

Port Louis is die tuiste van die grootste hawe van die land, wat die enigste amptelike hawe vir in- en uitgang is vir seevaartuie in Mauritius. Skepe moet goedkeuring verkry vir toegang tot die hawe voordat hulle enige ander ankerplek in die eilandnasie besoek.^[1]