Suider-Afrikaanse Groot Teleskoop

	Suider-Afrikaanse Groot Teleskoop
	Die koepelgebou van die SALT.
Ander naam	SALT， Southern African Large Telescope
Sterrewag	Suid-Afrikaanse Sterrekundige sterrewag
Tipe	Optiese teleskoop; Reflekterende teleskoop
Eerste lig	2005
Webtuiste	salt.ac.za
	Ligging
Plek	Sutherland, Noord-Kaap, Suid-Afrika
Hoogte	1 798 m (5 899 vt)
Koördinate	32°22′34″S 20°48′38″O / 32.37611°S 20.81056°O
	Tegniese besonderhede
Deursnee	seskantige skikking van ~11,1 x ~9,8 m
Montering	45 ton se staalstruktuur
Golflengte	320–1700 nm
Portaal	Sterrekunde

Die Suider-Afrikaanse Groot Teleskoop of SALT, is 'n nuwe teleskoop met 'n 11 meter (36 voet) spieëldeursnee en geleë naby Sutherland in in die Karoo, Suid-Afrika. Dit is in Junie 2005 voltooi en sal na verwagting die setel wees van die Suid-Afrikaanse Astronomiese Sterrewag.

SALT is die grootste optiese teleskoop in die suidelike halfrond. Dit sal gebruik word vir die fotografering en analisering van hemelliggame wat buite bereik is van die noordelike halfrond se teleskope, en dus nie daarmee waargeneem kan word nie. Die nuutste datum vir oorhandiging word as 31 Julie 2005 aangegee, maar die 91 saamgestelde spieëls word alreeds gekalibreer, 'n proses wat 'n paar ure in beslag kan neem.

Die koste van die projek sal na beraming 30 miljoen Amerikaanse Dollar beloop. Dit is 'n gesamentlike poging deur Duitsland, Pole, die Verenigde State, die Verenigde Koninkryk en Nieu-Seeland.

Algemene inligting

SALT is opgerig op 'n heuwel in 'n natuurreservaat, 370 km noord-oos van Kaapstad, naby die dorpie Sutherland. Die installasie van die massiewe spieël het in Maart 2004 begin en bestaan uit 91 seskantige, konkawe spieëls, wat elkeen afsonderlik deur rekenaars beheer word en gestel kan word om op 'n gemeenskaplike brandpunt saam te val. Die teleskoop sal wetenskaplikes in staat stel om kwasers en spiraalnewels te bestudeer, wat 'n miljard keer te dof is om met die blote oog waar te neem.

Korea en Japan het ook twee teleskope, en Suid-Afrika het ten minste vyf optiese teleskope op dieselfde perseel. Die Universiteit van Birmingham het ook 'n sonteleskoop daar waarmee die son gedurig bestudeer word.

Medewerkers

Die Nasionale Navorsingstigting van Suid-Afrika
Nicolaus Copernicus Astronomical Centre of the Polish Academy of Sciences
Die Hobby-Eberly Telescope Raad
Rutgers, die Staatsuniversiteit van New Jersey
Georg-August-Universität Göttingen
Die Universiteit van Wisconsin-Madison
Universiteit van Canterbury (Nieu-Seeland)
Universiteit van North Carolina at Chapel Hill
Dartmouth College
Carnegie Mellon University
United Kingdom SALT Consortium (UKSC), comprising:
- Armagh Sterrewag
- Keele Universiteit
- Universiteit van Central Lancashire
- Universiteit van Nottingham
- Open University
- Universiteit van Southampton

Verwysings

Bronne

(en) Reuters. South Africa looks to stars with super scope Geargiveer 16 Maart 2004 op Wayback Machine. United Kingdom: Reuters Limited. 15 Maart 2004.

Eksterne skakels

(en) SALT – Amptelike werf.

[1]

Search