15

15
dr römisch Fäldherr Germanicus

Was isch bassiert?

Dr Drusus Iulius Caesar und dr Gaius Norbanus Flaccus sind Konsule vom Römische Rych.
Dr Germanicus isch Oberbefälshaber vo de römische Truppe i dr Provinz Germanie.
D Römer gryffe d Germanen a, mache d Ortschaft Mattium, s Zäntrum vom Stamm vo de Chatte, kabut, befreie dr Cheruskerkönig Segestes, wo mit anderne Germane Chrieg gha het, und kämpfe au gäge d Brukterer.
Dört, wo sächs Joor vorhär d Legioone vom Gäneral Varus im Kampf gäge d Germane undergange sind, finde d Römer no d Lyyche vo de dozmol gstorbene Soldate und beärdige se.
D Germane gwünne e grossi Schlacht, wo wider öppe zäätuusig römischi Legionäär stärbe.
I dr Provinz Afrika isch Bürgerchrieg.
Dr Valerius Gratus wird Präfekt vom römische Piet Judäa, Samaria und Idumäa.
Dr Ismael ben Phiabi wird Hoheprieschter vo Jerusalem.
Dr germanisch Fürscht Thumelicus chunt uf d Wält.
Dr römisch Dichter Properz stirbt (öppe ane 15).

Commons: 15 – Sammlig vo Multimediadateie