Prisca Thevenot
| Dialäkt: Mìlhüüserisch |
D’ Prisca Thevenot 
(info) (* 1. März 1985 z’ Schtroossburi, Unt’relsàss) ìsch a frànzeescha Politikera vu dr Pàrtäi La République en Marche (LREM). Sa ìsch sitter 2020 Wortfiahrera vun LREM un sitter Jüüni 2022 Àbgoordneta vum Département Hauts-de-Seine ìn dr Nàzionààlversàmmlung.
ìhra Laawa un Kàrriar
D’ Prisca Thevenot ìsch ànna 1985 z’ Schtroossburi-n-uff d’ Walt kumma. Sa ìsch d’ Tochter vu mauriziànischa-n-Iiwànderer.[1][2][3] Wu sa zwai Joohra àlt gsìì-n-ìsch, hàt sa mìt ìhra Äältra-n-ìn dr neerdliga Vorort vu Pàriis gwàndelt.[2] Uffgwàcksa-n-ìsch sa z’ Stains ìm Département Seine-Saint-Denis.[4] Sa ìsch Unternammera un Berooterin ìm Braich Farnmìttailunga gsìì.[1]
Ànna 2016 ìsch d’ Thevenot Mìtglìed ìn dr Beweegung La République en Marche worra, fìr d’ Kàndidàtüür vum Emmanuel Macron àn dr Presidàntschàftswàhl unterschtìtza.[2] Àn dr Pàrlàmantswàhl vu 2017 ìsch sa Kàndidààta-n-ìm 4. Wàhlkrais vum Seine-Saint-Denis gsìì. Àn dr zwaita Runda-n-ìsch sa vu dr Kommünìschta Marie-Georges Buffet gschlààga worra.[5] Ìm Nowamber 2020 ìsch sa zamma mìt dr Maud Bregeon àls Wortfiahrera vu La République en Marche ärnännt worra.[6] Àn dr Regionààlwàhl vu Jüüni 2021 ìsch sa àls Regionààlräätin vum Île-de-France fìrs Département Seine-Saint-Denis gwählt worra —sa ìsch Kàndidààta gsìì-n-uff dr Lischta vum Laurent Saint-Martin.[7]
Àn dr Pàrlàmantswàhl vu 2022 ìsch d’ Thevenot ìm 8. Wàhlkrais vum Département Haut-de-Seine àls Àbgoordneta ìn d’ Nàzionààlversàmmlung gwählt worra. Àm zwaita Wàhlgàng hàt sa 65,75 Prozant vu da Schtìmma geega d’ Annie Larroque Comoy (LFI–NUPES) bikumma.[8][9]
D’ Prisca Thevenot ìsch verhiirootet un Müatter vu zwai Kìnder.[10] Sa hàt dr Verain Civil Impact grìnda, wo-n-ìm Frànkrììch un uff Maurizius àktiiv ìsch.[3]
Weblìnks
- D’ Prisca Thevenot ìn dr Àbgoordneta-Dàtabànk vu dr Nàzionààlversàmmlung (frànzeesch)