Apt

Dr Apt isch bi vilne Religioone dr Vorsteher vomene Chlooschter. D Vorsteheri vomene Frauechlooschter heisst Äptissi.

S Wort chunt vom latyynische ”abbas“, und das vom aramäische ”abba“.

Vilne Chlööschter seit men au ”Aptei“. En Apt und en Äptissi hend di suverääni Läitig vo alne Gschäft von iirem Chlooschter; si regiere gege inne über s Zämeläbe vo de Mönch bzw. vo de Chlooschterfraue und verträtte s Chlooschter gegen usse. Gwäält wärde si vo dene Lüüt, wo im Chlooschter läbe, wo d Profäss abgläit hend und gmäss däm Verspräche fescht zum Konvänt ghöre.

I dr orthodoxe Chile het dr Apt vomene Chlooschter dr Name ”Hegumen“.