Anastasius III.

Dr Anastasius III. (* z Rom; † November 913) isch vu 911 bis 913 Papscht gsii. Sy Name bedytet „dr Uferstande“ (griech.)

Iber ihn git s eso guet wie kaini Ufzaichnige. Sy Pontifikat fallt in dr Zyt vu dr Herrschaft vu remische Adliger iber Rom, wu ganz unter dr Kontroll vum remische Stadtherr Theophylakt I. vu Tusculum gstanden isch un unter dr Kontroll vu dr Mätresseherrschaft, wu vu dr Theodora I. vu Tusculum un ihre Dochter Marozia unter em Sergius III. etabliert woren isch („Pornokrati“).^[1]