Arnold Hottinger

Dr Arnold Hottinger isch e Suhn vum Pädiater Adolf Hottinger gsii un isch z Düsseldorf un z Basel ufgwachse. No dr Schuel het er Orientalischtik un Romanischtik an dr Universitet Züri studiert, wun ere anne 1952 promoviert het. Är het derno z Paris, z Chicago, z Kairo un z Beirut sy Studie wytergfiert. Näbe Dytsch, Änglisch, Franzesisch, Spanisch un Italienisch het er au sibe arabischi Dialäkt gschwätzt.^[1]

Vu 1961 bis 1991 isch er Korreschpondänt vu dr Züri-Zytig z Beirut gsii un het iber dr Noch Oschte un di islamisch un arabisch Wlt brichtet. Speter isch er Korreschpondänt z Madrid un schließli z Nikosia gsii. Är het au fir vyl Radiostatione gschafft, het fir Zytschrifte gschribe un vyl Biecher iber dr Islam, Arabie un dr Noch Oschte publiziert, wu e Dail dervu as Standardwärch gälte. Au im Ruestand isch dr Hottinger e gfrogte Fachmann un Referänt gsii un het regelmäßig fir s Online-Portal Journal21 gschribe. Är het bis zue sym Dod z Zug gläbt.^[2]

Am 21. Mai 2019 isch dr Hottinger mit 92 Johr an dr Folge vun ere vier Monet vorhär schlächt verlaufene un abbrochene Härzoperation gstorbe.^[1]

• 1991: Ehredoktorwird vu dr Universitet Basel
• 2003: Ehredoktorwird vu dr Universitet Bärn
• 2013: Lifetime Achievement Award vu dr Fondation Reinhardt von Graffenried^[2]
• 2015: Zürcher Schurnalischtebryys^[3]

Monografie

• Kalilah und Dimnah. Ein Versuch zur Darstellung der arabisch-altspanischen Übersetzungskunst (= Romanica Helvetica. Bd. 65). Francke, Bern 1958.
• Die Araber. Werden, Wesen, Wandel und Krise des Arabertums. Atlantis, Zürich 1960.
• Das volkstümliche Element in der modernen spanischen Lyrik. Atlantis, Zürich 1962.
• Fellachen und Funktionäre. Entwicklungswege im Nahen Osten. Kösel, München 1967.
• 10mal Nahost (= Panoramen der modernen Welt). Piper, München 1970.
  • ab dr 4. Uflag as Däschebuech unter em Titel 7mal Naher Osten (= Serie Piper. Bd. 5127). Piper, München 1988.
• Die arabischen Staaten Nordafrikas. Verlag für Literatur und Zeitgeschehen, Hannover 1971.
• Spanien. Seine Geschichte in Text und Bild. Hallwag, Bern/Stuttgart 1976.
• mit dr Barbara L. Begelsbacher: Ägypten. Silva, Zürich, 1985.
• Die Araber vor ihrer Zukunft. Geschichte und Problematik der Verwestlichung. NZZ, Zürich 1988; 2., ergänzti Uflag: Schöningh, Paderborn 1991, ISBN 3-506-73943-3.
• Unbekannter Nachbar Türkei. AT, Aarau 1990.
• mit em Erich Gysling: Krisenherd Nahost. Ein aktueller Dialog NZZ, Zürich 1991.
• Allah heute. Pendo, Zürich 1991.
• Islamischer Fundamentalismus. NZZ, Zürich 1993.
• (as Mit-Rusgeber) Oman. Weihrauch und Erdöl. Landeskunde und Reisehandbuch. Strom, Luzern 1993.
• Die Mauren. Arabische Kultur in Spanien. NZZ, Zürich 1995; 2. Auflage: Fink, München 2005, ISBN 3-7705-3075-6.
• Akbar der Große (1542–1605). Herrscher über Indien durch Versöhnung der Religionen. Fink, München 1998, ISBN 3-7705-3335-6.
• Gottesstaaten und Machtpyramiden. Demokratie in der islamischen Welt. NZZ, Zürich / Schöningh, Paderborn 2000, ISBN 3-506-73947-6.
• Islamische Welt. Der Nahe Osten: Erfahrungen, Begegnungen, Analysen. NZZ, Zürich / Schöningh, Paderborn 2004, ISBN 3-506-71800-2.
• Die Länder des Islam. Geschichte, Traditionen und der Einbruch der Moderne. NZZ, Zürich / Schöningh, Paderborn 2008, ISBN 978-3-506-76541-3.

Ibersetzige

• At-Tanukhi: Ende gut, alles gut. Das Buch der Erleichterung nach der Bedrängnis (= Bibliothek der Weltliteratur). Manesse, Zürich 1979.
• Abdarrahman Al-Gabarti: Bonaparte in Ägypten. Aus der Chronik des Abdarrahman Al-Gabarti (1754–1829) (= Bibliothek des Morgenlandes. Bd. 21). Artemis, Zürich 1983.

• Publikatione vo und über Arnold Hottinger im Katalog Helveticat vo dr Schwiizerische Nationalbibliothek
• Adrian Scherrer: Hottinger, Arnold. In: Historisches Lexikon vo dr Schwiiz.
• Beat Stauffer: Mit dem roten Plasticsack beim jordanischen König E Wirdigung zum 80. Geburtsdag uf OnlineReports, 30. Novämber 2006
• Rainer Stadler, Martin Woker: Arnold Hottinger: Keine Angst vor dem Orient. Interview in: Neue Zürcher Zeitung, 6. April 2013
• Rezension zu Islamische Welt in dr Zeit vum Heinz Halm, 23. Septämber 2004
• Rezension zue Islamische Welt im Spiegel vum Erich Wiedemann, 28. Septämber 2004
• Ausführliches Interview uf KenFM vom 4. Jänner 2014