S Glyybi Quardier z Basel

S Glyybi isch scho immer en Industriiquardier gsi. D Zahl vo de Arbetsblätz isch grösser as die iiheimisch Bevölkerig. Die meiste drvo si in dr chemische Industrii und im Dransbort- und Vercherswäse.^[1]

Zsämmesetzig

Hützudag läbe im Glyybi vili Usländer (öbbe d Helfti vo de Iiwohner) und Studänte. Die grösst Usländergrubbe, öbbe 10% vo dr Gsamtbevölkerig, chunnt us em Balkan, ei Brozänt meh as us Italie. Es het au vili Türke, Dütschi, Bortugiise und Spanier.^[1]

Fast e Fümftel vo de Iiwohner si minderjöhrig, öbben e Achdel pensioniert.^[1]

Konfessione

Zwei Fümftel vo de Iiwohner si konfessionslos, ei Fümftel islamisch. Die Reformierte möche hüt no e Zähntel us (1980: e Drittel), d Katholike 14% (1980: 29%).^[1]

S Gliibi het si Name vo dr Klybeggstrooss übercho, wo dört verlauft. Ursprünglig isch das dr Name vom Landguet Klybegg gsi, em ehemolige Sitz vom Landvogt vo Kleihünige, wo sich usserhalb vo de Stadtmuure befunde het. Dört isch es Weiherschloss, s Wortändi -egg dütet uf e Schlossname, gstande, wo wohrschiinlig vom ene Guetsherr baut worden isch, wo "Klüb", "Chlubo" oder "Chludbert" gheisse het.

• Insleschuelhuus
• Horburgpark
• Nordtangente

• Schloss Klybeck

• Statistischs Amt vom Kanton Basel-Stadt - Quartierportrait Klybeck