Basilius Amerbach dr Elter

Dr Basilius Amerbach isch as dr Soon vom Druckheer Johann Amerbach am 28. Merz 1488 uf d Wält choo. Er het zämme mit sim Brueder Bruno z Schlettstadt im Elsass, z Baasel und z Baris en Usbildig gmacht. 1506 isch er z Bariis Magister Artium worde. Vo 1507 bis 1512 het er z Freiburg im Brisgau bim Ulrich Zasius Rächt studiert.

Er isch zrugg uf Baasel und het vo 1514 aa bim Drucker Johann Froben gschafft, wo d Offizin vo sim Vater überno het. Dr Basilius isch vil chrank gsi und het langi Zit mit dr Familie vo sim jüngere Brueder Bonifacius gläbt. Wo d Reformazioon z Baasel iigfüert worden isch, het er sich nid grad uuse welle drfür entschäide und isch vo 1531 aa e baar Mol us Baasel furt wääge däm.

Dr Basilius Amerbach isch am 8. April 1535 z Baasel gstorbe und in dr Graabkapälle vo dr Familie im ufghoobene Kartüüserkloster z Baasel begraabe worde.^[1]

• Beat von Scarpatetti: Amerbach, Basilius (der Ältere). In: Historisches Lexikon vo dr Schwiiz.

S Amerbachs.