Bogotá
Bogotá (offizielle spanische Naame: Bogotá, Distrito Capital, churz Bogotá, D.C.) isch d Hauptstadt vo Kolumbie und s Verwaltigszentrum vom Departamento Cundinamarca. D Stadt het 6,8 Millione Iiwooner im äigentlige Stadtgebiet und 7,9 Millione in dr Agglomerazioon (Volkszelig 2005). Si isch dr grösst stedtischi Balligsruum z Kolumbie und usserdäm äini vo de Metropole in Südamerika, wo am schnällste waggse; 2008 isch si uf em 36. Blatz in dr Liste vo de grösste Metropolregionen uf dr Wält gsi.
| Bogotá | |||
|---|---|---|---|
| |||
| Koordinate | , 74° 5′ W4° 36′ N, 74° 5′ W | ||
| Symbole | |||
| |||
| Basisdate | |||
| Staat | Kolumbien | ||
Bundesdistrikt | Bogotá | ||
| Höchi | 2640 m | ||
| Flechi | 1587 km² | ||
| Metropolregion | 4321 km² | ||
| Iiwooner | 6.840.116 (2005[1]) | ||
| Metropolregion | 7.881.156 (2005[1]) | ||
| Dichti | 4.310,1 Ew./km² | ||
| Metropolregion | 1.823,9 Ew./km² | ||
| Website | www.bogota.gov.co | ||
| Politik | |||
| Burgermeischter | Enrique Peñalosa Londoño (2016-2019) | ||
| Partei | Equipo por Bogotá y Partido Cambio Radical | ||
| Sonstiges | |||
| Offizielli Gliiderig | 20 Bezirk (unidades administrativas) | ||
| Telefonvorwahl: | 00571 | ||
 Übersicht von Bogotá | |||
Dr Groossruum Bogotá bildet dr sogenannt Hauptstadtdistrikt (Distrito Capital, abkürzt D.C.), wo diräkt dr Zentralregierig understoot und wo dr Sonderstatus von ere mit däm vo Washington, D.C. in de USA cha vergliche wärde. D Stadt isch e Vercheerschnootepunkt und s wichtigste Wirtschafts- und Kulturzentrum vom Land mit Uniwersidääte, Hochschuele, Museum und Baudänkmööler.
Geographii
D Stadt lit in ere fruchtbare Hoochebeni in de Ande, dr Sabana de Bogotá, 2.640 Meter über em Meeresspiegel, am Fuess vo de zwäi Kordillerebärg Guadalupe (3.317 Meter) und Monserrate (3.152 Meter).
D Fleche vo dr Stadt isch 1.775,98 Kwadratkilometer. Doodrvo si 384,3 Kwadratkilometer (21,64 Brozänt) stedtischs Gebiet (área urbana) und 1.391,68 Kwadratkilometer (78,36 Brozänt) ländligs, s mäiste gebirgig. D Metropolregion (Región Metropolitana) het e Flechi vo 4.321 Kwadratkilometer und usser Bogotá ghööre no 25 anderi Gmäinde (Municipios) in dr Umgäbig vo dr Hauptstadt drzue.
Meereri Flüss und Bäch fliesse dur d Stadt, under anderem dr Fluss San Francisco, wo sich im Südweste mit em Fluss Funza (au bekannt as Rio Bogotá) veräinigt. Dr Fluss Funza isch für si 145 Meter lang Wasserfall, dr Tequendama, bekannt aber au drfür, ass er extrem verdräckt isch. Die noochi Umgääbig vo dr Stadt isch brägt vo Wäide und Bärgwälder.
Litratuur
- Ricardo Adrián Vergara Durán: Programme, Konzepte und Strategien der Wohnungs- und Wohnumfeldverbesserung in Unterschichtsvierteln von Santafé de Bogota/Kolumbien. Tectum Verlag, Marburg 2001, ISBN 3-8288-1089-6
- Stefan Roggenbuck: Strassenkinder in Lateinamerika. Sozialwissenschaftliche Vergleichsstudie: Bogotá (Kolumbien), Sao Paulo (Brasilien) und Lima (Peru). Verlag Peter Lang, 1993, ISBN 3-631-45894-0
- Anna I. Streissler: Jugendliche in Bogota. Brandes & Apsel, 2001, ISBN 3-86099-290-2
- Alberto Vázquez-Figueroa: Bogotá Blanvalet Verlag, Münche 1991, ISBN 3-7645-7666-9 bzw. Die Kinder von Bogotá. Goldmann, 1995, ISBN 3-442-42807-6
Weblingg
Commons: Bogotá – Sammlig vo Multimediadateie- Offizielli Website vo dr Stadt Bogotá (spanisch)
- Goethe-Institut Bogotá
- Kolumbianischi Nazionalbibliothek
- Biblored - S Netz vo de öffentlige Bibliotheke vom Hauptstadtbezirk
- Museo del Oro (änglisch und spanisch)
- Deutsche Schule in Bogotá
- Straßensystem – Erklärig vom stedtische Stroossesüstem vo dr Katja Stemmler
Fuessnoote
 | Dä Artikel basiert uff ere fräie Übersetzig vum Artikel „Bogotá“ vu de dütsche Wikipedia. E Liste vu de Autore un Versione isch do z finde. |