Breuil-sur-Vesle
Breuil-sur-Vesle | ||
---|---|---|
Region | Grand Est | |
Département | Marne | |
Arrondissement | Reims | |
Kanton | Fismes-Montagne de Reims | |
Kommünàlverbànd | Grand Reims | |
Koordinàte | , 3° 46′ O49° 19′ N, 3° 46′ O | |
Heche | 63–172 m | |
Flech | 6,46 km2 | |
Iiwohner | 331 (1. Jänner 2020) | |
Bevelkerungsdicht | 51 Iiw./km2 | |
Code Postal | 51140 | |
INSEE-Code | 51086 | |
Website | breuilsurvesle.fr |
Dialäkt: Mìlhüüserdiitsch |
Breuil-sur-Vesle [bʁœj syʁ vɛl](info) (bis 2018 aifàch Breuil) ìsch a frànzeescha Gmainda mìt 331 Iiwoohner (Schtànd: 1. Januar 2020) ìm Département Marne ìn dr Regioon Grand Est (vor 2016 Champagne-Ardenne). Sa gheert zem Arrondissement Reims un zem Kàntoon Fismes-Montagne de Reims.
wu dr Nàmma har ìsch
Dr Nàmma schtàmmt vum Àltfrànzeescha breuil, wo üss’m Gàllischa brogilos („Waldla“, „Waldla mìt’ra Häcka drum umma“) àbglaita-n-ìsch.[1] Dàs Wort ìsch unter’m reemischa-n-Iifluss brodilium odd’r broilium worra.[2]
Vorhaar hàt d’ Gmainda-n-aifàch Breuil ghaissa. Ànna 2018 ìsch sa ìn Breuil-sur-Vesle umtaift worra.[3]
wu ’s lììgt
Breuil-sur-Vesle lììgt äbba 25 Kilomeeter wäscht-nordwäschtlig vum Schtàdtzäntrum vu Reims àm Fluss Vesle, wo d’ Gmainda ìm Norda begranzt. Umgaa wìrd Breuil-sur-Vesle vu da Nochbergmainda Romain ìm Norda, Montigny-sur-Vesle ìm Norda un Oschta, Vandeuil ìm Süüdoschta, Hourges un Unchair ìm Süüda, Magneux ìm Wäschta so wia Courlandon ìm Nordwäschta.[4]
Dur d’ Gmainda fiahrt d’ Nàzionààlschtrooss 31.[4]
wia d’ Beväälkerung äntwìckelt hàt
Joohr | 1962 | 1968 | 1975 | 1982 | 1990 | 1999 | 2006 | 2018 |
Iiwoohner | 220 | 245 | 164 | 152 | 182 | 230 | 284 | 338 |
Kwalla: Cassini un INSEE |
wàs doo z’ sah ìsch
- d’ romàànischa, reemisch-kàthoolischa Liawafràuikìrìch üss’m 12. Joohrhundert. Sa ìsch zitter 1923 àls Histoorisch Dankmool vu nàzionààler Bediitung klàssifiziart.[5] Ìn dr Kìrìch sìnn üsserdam zitter 2002 mehrera Objakta bii da Histoorischa Dankmooler vu regionààler Bediitung iig’schtuuft: a Schtaikrüzifix üss’m 14. Joohrhundert,[6] a Schtaischtàtüüta vu dr Mària Magdalena üss’m 14. Joohrhundert,[7] a Holzschtàtüüta vu dr Màdonna mìt Jesüskìnd üss’m 15. Joohrhundert — wo hìtt ìm Palais du Tau z’ Reims z’ fìnda ìsch —,[8] a Holzschtàtüüta vum hl. Johànnis em Taifer üss’m 14. Joohrhundert — wo-n-eewafàlls ìm Palais du Tau z’ fìnda ìsch—;[9] d’ Schtaischtàtüüta vu’ma Ààbeetungsangel üss’m 14. Joohrhundert.[10] so wia-n-a Sìlwerkälch üss’m Joohr 1850.[11]
- a Kriagerdankmool, fìr d’ gschtoorwana Soldààta vum Äärschta un Zwaita Waltkriag eehra.[12]
- ìm Mai 2023 ìsch a Dankmool iigwäijt worra, fìr àmerikàànischa Jàgdfliager eehra, wo z’ Breuil-sur-Vesle gschtoorwa sìnn.[13]
- d’ Raschtla vum Schloss Ville-aux-Bois, wo ìm Septamber 1914 zärschteert worra-n-ìsch.[14]
- d’ Liawafràuikìrìch vum Süüda har gsah
- d’ Liawafràuikìrìch vum Nordoschta har gsah
- ìm Kìrchaschìff
- dr Hàuiptàltààr
- dr Tàuifbäcka
- d’ Schtàtüüta vu dr Màdonna mìt Jesüskìnd
- d’ Angelschtàtüüta
- a Glààsfanschter, wo d’ Kreenung vum Kàrl VII. mìt dr Jeanne d’Arc zaigt
- s’ Kriagerdankmool
- s’ zärschteerta Schloss Ville-aux-Bois
Verkeehr
Ìm Dorf lììgt d’ SNCF-Bààhnhàltaschtälla Breuil-Romain uff dr Bààhnschträcka Soissons-Givet. Ànna 2022 sìnn doo 33.261 Fààhrgascht ii- odd’r üssgschtììga.[15]
- s’ Bààhnhoofsgebäi Breuil-Romain
- àm Bààhnhoof
Lüag àui
Weblìnks
- Offiziälla Websitta vu dr Gmaindaverwàltung (frànzeesch)
- Schtàtistik ìwwer d’ Gmainda Breuil-sur-Vesle biim INSEE (frànzeesch)