Claire Burger
D Claire Burger (* 1978 z Fuerboch, Lothringe)[1] isch e franzesischi Filmreschiseeri, Filmeditoori un Draibuechautoori.[2] Ire Debüt-Langfilm Party Girl (in Co-Reschy mit dr Marie Amachoukeli un em Samuel Theis) isch mit dr Caméra d’or bim Cannes Film Festival 2014 uuszaichnet woore.[2]
Karriere
D Burger het zeerscht as Fotoschurnalischti gschafft.[3][4] Derno het si ne Uusbildig an dr Pariser Filmhoochschuel La Fémis as Filmeditoori gmacht.[1] s Stuudium het si anne 2008 abgschlosse.[5] An dr La Fémis het d Burger d Reschiseeri Marie Amachoukeli chännegleert. Mit iire zäme het d Burger zeerscht dr Chuurzfilm Forbach (2008) as Reschiseeri un Co-Draibuechautoori gmacht.[6][7] Derno het unter dr Co-Reschy mit dr Amachoukeli C’est gratuit pour les filles (2009) un Demolition Party (2013) gmacht.[8][1] In Zämenaarbet vum Reschy-Duo mit em Reschiseer Samuel Theis isch 2014 dr gemainsam Debüt-Langfilm Party Girl vereffetligt woore.[1] Mit C’est ça l'amour het d Burger 2018 iri eerscht Spiilfilmaarbet in Aigereschy voorglait. Dr Film het syni Wältpremiere 2018 bim Filmfeschtiwäl vu Venedig gfyyrt.[8]
S Burgers Spiilfilm Langue Étrangère isch as Wältpremiere bi dr Internazionaale Filmfeschtspiil Berlin 2024 in Wettbewäärb um dr Guldi Bäär yyglaade woore.[9]
Filmografy
- 2008: Forbach (Chuurzfilm)
- 2009: C'est gratuit pour les filles (Chuurzfilm; Co-Reschy mit dr Marie Amachoukeli)
- 2013: Demolition Party (Chuurzfilm; Co-Reschy mit dr Marie Amachoukeli)
- 2014: Party Girl (Co-Reschy mit dr Marie Amachoukeli un em Samuel Theis)
- 2018: C’est ça l'amour (Real Love)
- 2024: Langue Étrangère
Uuszaichnige
- 2010: César in dr Kategory Beschte Chuurzfilm fir C'est gratuit pour les filles[10]
- 2014: Caméra d’or bim Cannes Film Festival fir Party Girl (mit dr Marie Amachoukeli un em Samuel Theis)[11]
- 2014: Ensemble Prize in dr Spaarte Un Certain Regard bim Cannes Film Festival fir Party Girl (mit dr Marie Amachoukeli un em Samuel Theis)[12]
- 2014: Nominierig fir dr Europäisch Filmbryys in dr Kategory European Discovery fir Party Girl[13]
- 2015: Nominierig fir dr César in dr Kategory Beschte Debütfilm fir Party Girl[10]
- 2018: Nominierig fir dr Queer Lion bei den Filmfeschtspiil vu Venedig fir C'est ça l'amour[14]
- 2024: Im Wettbewäärb um dr Guldi Bäär bi dr Internazionaale Filmfeschtspiil Berlin mit Langue Étrangère[9]
Weblink
Commons: Claire Burger – Sammlig vo Multimediadateie- Claire Burger in dr Internet Movie Database
Fueßnote
 | Dä Artikel basiert uff ere fräie Übersetzig vu dere Version vum Artikel „Claire_Burger“ vu de dütsche Wikipedia. E Liste vu de Autore un Versione isch do z finde. |