Estavayer-le-Lac

Stäffis lyt am Nöieburgersee. D Stadt het mee weder sächstuusig Ywooner.

Die historischi Altstadt mit em Schloss näbedra isch guet erhalte und zelt zu de beschte Sehenswürdikäite vo dr Regioon. Si isch uf dr Lischte vo de nazionaal bedüütende Ortsbilder vo dr Schwiiz.

D Oortschaft isch ane 1156 s erschte Mol im ene Schriftstuck erwäänt. Me dänkt, d Stadt sig im zwölfte Joorhundert vom Bischof vo Lausanne gründet woorde.

Sid 1245 isch Stäffis de Grafe vo Savoie gsi, und 1488 isch es e fryburgischi Lampfogtei woorde.

Ufe 1. Jänner 2017 het sech d Stadt mit de ehemolige Nochbergmäinde Bussy, Morens, Murist, Rueyres-les-Prés, Vernay und Vuissens zämetoo und mit ne di nöi Gmäind Estavayer bildet.

• Denis Ramseyer und Stefan Jäggi: Estavayer-le-Lac In: Historisches Lexikon vo dr Schwiiz.

 Commons: Estavayer-le-Lac – Sammlig vo Multimediadateie

• Websyte vo Stäffis