Ethanol

Ethanol (au Äthanol, Trivialname Alkohol) isch en alifatische, äiwärtige Alkohol mit dr Summeformle C₂H₆O. Die räini Substanz isch e farbloosi Flüssikäit, wo bi Ruumtämpratur liicht foot afo brenne. Si het e brennende Gschmack und e charakteristische, würzige (süesslige) Gruch. Es isch e Droge, wo as Gift für d Lääbere iigstueft isch und isch vor allem als Bestanddäil vo Gnussmiddel und alkoholische Getränk wie Wii, Bier und Spirituose bekannt.

Strukturformel
Keilstrichformle zum d Geometrii dütlig mache
Allgemeines
Name	Ethanol
Andere Namen	Ethylalkohol Äthanol Äthylalkohol Wiigäist Spiritus (vergällte Äthylalkohol) Sprit Alkohol (umgangssproochlig) Hydroxyethan (wenig brucht) Alcohol (INCI)
Summeformle	C2H6O
CAS-Nummer	64-17-5
PubChem	702
Churzbeschriibig	klari, farblosi, hygroskopischi Flüssigkäit, wo e würzige Gruch het und noch Verbrenntem schmöckt und liicht foot afo brenne[1][2]
Äigeschafte
Molari Masse	46,07 g·mol−1
Aggregatzuestand	flüssig
Dichdi	0,7893 g·cm−3 (20 °C)[1]
Schmelzpunkt	−114,5 °C[1]
Siidpunkt	78,32 °C[1]
Dampfdruck	58 hPa (20 °C)[3]
pKs-Wärt	16[4]
Löösligkäit	beliebig mit Wasser, Diethylether, Chloroform, Benzin und Benzol mischbar[1]
Brächigsindex	1,3638[1]
Sicherhäitshiiwiis
GHS-Gfoorstoffkennzäichnig aus EU-Verordnung (EG) 1272/2008 (CLP) [5] Gefahr H- und P-Sätze H: 225 P: 210 [3] EU-Gfoorstoffkennzäichnig [6] aus EU-Verordnung (EG) 1272/2008 (CLP) [5] Liicht- entzündlig (F) R- und S-Sätze R: 11 S: (2)​‐​7​‐​16
MAK	500 ml·m−3; 960 mg·m−3[3]
Toxikologischi Date	7060 mg·kg−1 (LD50, Ratte, oral)[7][4] 3450 mg·kg−1 (LD50, Muus, oral)[8][4] 1400 mg·kg−1 (LDLo, Mensch, oral)[9][4] 1200 mg·kg−1·3 H−1 (TDLo, Frau, oral)[10][4] 700 mg·kg−1 (TDLo, Maa, oral)[11][4] 11,7 ml·kg−1 (TDLo, Chind, oral)[12][4]
Thermodynamischi Äigeschafte
ΔHf0	−277,6 kJ/mol[13]
Sowit wie möglig, wärde SI-Äihäite verwändet. Wenn nüt anders stoot, gälte d Date wo aagee si bi Standardbedingige. Brechungsindex: Na-D-Linie, 20 °C

D Vergärig vo Zucker zu Ethanol isch äine vo de eltiste bekannte biochemische Reakzione. In dr Nöizit wird Ethanol für industrielli Zwäck us Ethen härgstellt. Ethanol isch wit verbräitet as Löösigsmiddel für Stoff, wo für medizinischi oder kosmetischi Zwäck iigsetzt wärde, wie Duftstoff, Arome, Farbstoff oder Medikamänt und als Desinfekzionsmiddel. Die chemischi Industrii verwändet s as Löösigsmiddel und au as Usgangsstoff für d Sünthese vo witere Brodukt wie Carbonsüüriethylester.

Ethanol wird energetisch as Biochraftstoff, in dr Form vo Bioethanol verwändet. Im Ethanol-Kraftstoff E85 zum Bischbil macht s Ethanol 85  Brozänt vom Wolume us.