FC Wettige
De FC Wettige isch en Tschutiverei us Wettige vom Schwiizerische Fussballverband SFV. De Verei isch im Johr 1931 gründt un 1993 wäge Konkurs ufglöst worde. Mit em Name FC Wettingen 93 isch de Verei im gliiche Johr noi gründt worde.
| FC Wettingen | |||
 | |||
| Gründet | 1931, Neugründig 1993 | ||
| Vereinsfarbe | blau-wiss | ||
| Stadion | Altenburg | ||
| Plätz | 10'000 | ||
| Präsident | Hans-Peter Odermatt | ||
| Trainer | Peter Kloter | ||
| Homepage | www.fcwettingen.ch | ||
| Liga | 2. Liga interregional (SFV) | ||
| 2010/11 | 9. Rang | ||
| |||
Gschicht
De FC Wettige isch 1969 Erschter vo de Nationalliga B worde un so s erscht mol in d Nationalliga A ufgstige. Aber scho am End ve de Saison isch de Verei wider abgschtige. De zweit Ufschtig isch Wettige im Johr 1982 glunge. Diesmol het sich de Verei länger chönne in de Nationalliga A halte. De Abschtig isch im 1987 gsi.Aber scho eis Johr druf isch de FC wider erschtklassig gsi un d Saison 1988/89 isch di erfolgriichschti uf nationler Ebeni worde. De Verei het d Saisom uf em virte Platz abgschlosse un sich uf däm Wäg für de UEFA-Cup qualifiziirt (lueg witer unte). Im Johr 1993 isch de FC Wettige zum dritte Mol us de Nationalliga A abgschtige. Us finanzielle Gründ het de Verei nach de Saison 1992/93 müesse ufglöst werde un het mim noie Name FC Wettige 93 in der 5. Liga wider aafange tschute.
FC Wettingen 93
De Verei het hüt ugfähr 600 Mitglider. In de Saison 2006/07 het de Verei de Aargauer Cup gwunne un isch in d 2. Liga interregional ufgstige, aber am End vo de Saison 2007/08 wider abgstige.Näbe de 1. Mannschaft het de FC noch 21 witeri Mannschafte, dodervo 17 Nachwuchsmannschafte.
De FC Wettige im UEFA-Cup
| Saison | Wettbewerb | Rundi | Land | Club | Ergäbnis |
|---|---|---|---|---|---|
| 1989/90 | UEFA-Cup | 1 | IRL | FC Dundalk | 3:0, 2:0 |
| 2 | I | SSC Neapel | 0:0, 1:2 |