Faustin Ambassa Ndjodo

Dr Faustin Ambassa Ndjodo hàt Filosoofii àn dr Kàthoolischa Üniwärsiteet vu Louvain ìm Belgia gschtudiart, wu-n-’r a Maischterpriafung bschtànda hàt. Drzüa hàt’r vu 2001 bis 2001 àm Kàthoolischa Theoloogischa Bund z’ Chicago gschtudiart.

Dr Ambassa Ndjodo ìsch Mìtglìed vu dr Oordagmainschàft vu da Scheut-Missionàra un hàt àm 26. Jüüli 1997 d’ Priaschterwäih ämpfànga. Ar ìsch z’äärscht Vikàr un Pfàrrer gsìì, un ìsch Generàlseketäär worra vum Dischtrikt Senegal vu dr Kongregàzioon vum Unbefleckta Harz vu Mària. Drzüa hàt’r d’ Filosoofii unterrìchtet àm Auguschtin-Ìnschtitüüt vu Dakar. Noh siina Schtudia z’ Chicago ìsch’r Profasser fìr Filosoofii gsìì àm Ìnschtitüüt vum hailiga Joseph Mukasa z’ Yaoundé ìm Kamerun. Ar ìsch àui Prowìnz-Superior vu siinera Oordagmainschàft gsìì, so wia Vorsìtzender vu dr Kumferanz vu da Owersuperioora vun Àfrikà un Madagaskar (dr COSMAM). Ìn siim Bìschtumm ìsch’r züadam Bischoofsvikàr fìrs gwäijta Laawa gsìì.

Àm 3. Dezamber 2009 ìsch dr Ambassa Ndjodo vum Pàpscht Benedikt XVI. àls Bischoof vu Batouri ärnännt worra. D’ Bischofswäih hàt’r àm 31. 2010 vum Arzbischoof vu Douala Samuel Kleda ämpfànga; doo drbii sìn d’ Mìtkonsekràtoora dr Roger Pirenne, Àltarzbischoof vu Bertoua, un dr Joseph Atanga, Arzbischoof vu Bertoua, gsìì.

Àm 22. Oktoower 2016 ìsch dr Ambassa Ndjodo vum Pàpscht Frànzisküs àls Arzbischoof vu Garoua ärnännt worra.^[1] Ar ìsch àwwer bis àm 7. Jüüli 2018 Àpostoolischer Àdminischtràtoor vum Bìschtumm Batouri blìewa. Ìm Jüüni 2021 hàt’r dr Àpostoolischa Nuntz ìm Kamerun un Äkwàtoriàlguineà Julio Murat ìm Arzbìschtumm vu Garoua-n-ämpfànga.^[2] Ìm Septamber vum gliicha Joohr hàt’r mìt fìmf àndra Bischääf un em Regionàlgouverneur Jean Abate Edi’i dr 65. Joohrestààg vum Arzbìschtumm gfiirt.^[3] Drzüa hàt sìch dr Ambassa Ndjodo vorgnumma, ìn siim Arzbìschtumm a Àbtailung vu dr Kàthoolischa Üniwärsiteet vum Zentràlàfrikà z’ äffna.^[4]

Ìm Faustin Ambassa Ndjodo sii bischääfliga Motto uff Frànzeesch ìsch „Qu’ils soient un“ („Sa solla ains sìì“).

• L’insuffisance morale comme signe de la finitude humaine chez Kant. In: Raison ardente (Kinshasa). Nr. 31, 1989, S. 28–43. 
• Statut épistémologique des idées transcendantales dans « La critique de la raison pure » de Emmanuel Kant. In: Raison ardente (Kinshasa). 
• L’éthique, une science normative ? La position de Levy-Bruhl. In: Raison ardente (Kinshasa). Nr. 28, 1988, S. 13–22. 

• Jean-Paul Messina, Jaap van Slageren: Histoire du christianisme au Cameroun, des origines à nos jours. Karthala Éditions, 2005, ISBN 978-2-8111-3995-7 (französisch, 452 S., google.com [abgerufen am 3. Oktober 2021]). 

• Yytrag zue Faustin Ambassa Ndjodo uf catholic-hierarchy.org (englisch)
• Laawesbschriiwung vum Faustin Ambassa Ndjodo uff dr Websitta vum Arzbìschtumm Garoua (frànzeesch)