Forchbahn
D Forchbahn isch e meterspurigi Schmalspurbahn, wo zwüsched Züri und Esslinge im Züripiet verchehrt und de Forchbahn AG, abgkürzt FB, ghört. De Name stammt vo de Ortschaft Forch und em gliichnamige Pass (676 m ü. M.) zwüsched em Zürisee und em Griiffesee, wo d Bahn uf öppe halber Strecki überwindt. Wän me d FB meint, redt mer i de Gäged vo de Frida, de Tante Frida oder grad öppe vo de Frida Bünzli, so känt si jede.[1][2]
| Zürich Rehalp–Esslingen | |||||||||||||||||||||||||||||||||||||||||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||||||||||||||||||||||||||||||||||||||||||||||||||||||||||
| Fahrblanfäld: | 731 | ||||||||||||||||||||||||||||||||||||||||||||||||||||||||||||||||||||||||||||||||
| Streckelengi: | 13,06 km | ||||||||||||||||||||||||||||||||||||||||||||||||||||||||||||||||||||||||||||||||
| Spurwyti: | 1000 mm (Meterspur) | ||||||||||||||||||||||||||||||||||||||||||||||||||||||||||||||||||||||||||||||||
| Stromsystem: | 1200 = | ||||||||||||||||||||||||||||||||||||||||||||||||||||||||||||||||||||||||||||||||
| Maximali Neigig: | 69 ‰ | ||||||||||||||||||||||||||||||||||||||||||||||||||||||||||||||||||||||||||||||||
| |||||||||||||||||||||||||||||||||||||||||||||||||||||||||||||||||||||||||||||||||
D Forchbahn isch am 27. November 1912 s erscht Mal gfahre und hät e Autobuslinie abglöst, wo s sit 1905 ggää hät, was für die damaligi Ziit ener ungwöhnlich gsi isch. Sit ihrer Eröffnig isch d Forchbahn dur die gmeinsami Direktion und Betribsfüehrig äng mit de hütige Vercheersbetriib Züri (VBZ) verbunde.
D Streckelengi isch öppe 16 Kilometer, devo ghöred 13.06 Kilometer (Rehalp–Esslinge) de Forchbahn. Es hät zwei Tunnel mit ere Lengi vo 280 und 1750 Meter. D Strecki zwüsched de Rehalp und de Neue Forch isch doppelspurig usbout und für de Gleiswechselbetrib usgleit, de Fahrbetrib isch elektrisch mit 1200 Volt Gliichstrom. Uf de Stadtzürcher Strecki zwüsched de Rehalp und em Baanhof Züri Stadelhofe faart d Frida uf circa drüü Kilometer Lengi uf de Gleis vom Züritram. D Strecki ghört de VBZ und isch wie alli Zürcher Tramstreckene doppelspurig usbout und mit 600 Volt Gliichstrom elektrifiziert, es wird grundsätzlich im Eirichtigsbetriib gfahre.
Rollmaterial
- BDe 4/4 10 (1948) Partytram, wird sit 2017 renoviert[3][4]
- BDe 4/4 11–14 (1959), 15–16 (1966) I de Jaar 2004/5 uf Madagaskar spediert, mit de beschte Absichte, z Antananarivo zum Dieseltram z wèrde[5]
- Bt 101 (1959) de schwäri Stahlstüürwage isch 2004 uf Antananarivo verschifft worde[5]
- Bt 102–108 (1967/1968) ussert em abbrochne Bt 107 stönts au sit 2004/5 z Antananarivo ume[5][6]
- Be 8/8 21/22–31/32 (1976–1986) uf em Tach händs pro Wage zwei Elektrohöcker, drum au Doppelkameel gschumpfe
- Bt 201–204 (1981/1982)
- Be 4/4 51–58 (1994)
- Be 4/6 61–73 (2004/2005), Stadler Tango-Wäge
Weblink
Commons: Forchbahn – Sammlig vo Multimediadateie- Forchbahn
- Verein zur Förderig vo historische Forchbahnfahrzüüg
- Abschiedstag von den alten Forchbahnzügen uf wittigbahn.ch (zahlriichi Bilder)
Einzelnachwiis
 | Dä Artikel basiert uff ere fräie Übersetzig vu dere Version vum Artikel „Forchbahn“ vu de dütsche Wikipedia. E Liste vu de Autore un Versione isch do z finde. |