Jacqueline Zünd

Vu 1990 bis 1992 isch d Zünd uf d Ringier-Schurnalischteschuel gange, vu vu 1994 bis 1996 het si an dr London International Film School studiert. Derno het si bis 1998 as Realisatori bim SRF fir d Jugedsändig „Zebra“ gschafft.^[1] Syter anne 1998 schafft d Zünd as freii Reschiseeri un Filmbroduzänti. Bis 2011 het si au Wärbig gmacht.^[2] Mer chännt si fir iri Dokumäntarfilm fir s Kino, unter anderem iber Schloflosi, Manne, wu alt wäre, un Drännigschinder. Mit em Stefan Jung fiert si d Brodukzionsfirma «real Film» z Züri.

Iri Film sin an Feschtiwäl wie Locarno Film Festival, DOK Leipzig, Visions du Réel un dr Berlinale zaigt wore.^[3] Si isch e baar Mol Gascht am International Documentary Film Festival Amsterdam IDFA gsii: Almost There het dert anne 2016 dort sy Wältpremiere gfyyrt^[4], Where We Belong isch 2019 im Brogramm „Best of Fests“ zaigt wore^[5], 2021 isch si Dail vu dr Jury fir „Best First Feature“ gsii, zäme mit em Mahdi Fleifel un dr Daniella Shreir.^[6]

Im Novämber 2022 het ere s Hong Kong Arts Centre e Retroschpektiv unter em Titel „Jacqueline Zünd – Distance and Intimacy“ gwidmet.^[7]

D Zünd isch Mueter vun eme Suhn un gschide.^[8][9]

• 1996: Rastlos (Churzfilm)
• 2001: So Much (Churzfilm)
• 2001: Toshko 1–5 (Churzfilm)
• 2001: Unser Mann im Treppenhaus (Churzfilm)
• 2002: Keis Händli – kei Schoggi (Churzfilm, mit dr Susanna Hübscher)
• 2010: Goodnight Nobody (Reschy, Draibuech)
• 2016: Almost There (Reschy, Draibuech)
• 2019: Where We Belong (Reschy, Draibuech, Brodukzion)

• 2010: Zürcher Filmbryys fir Goodnight Nobody^[12]
• 2010: Visions du Réel, Prix George Foundation fir dr Bescht Newcomerfilm fir Goodnight Nobody^[13]
• 2011: Fimf See Dokumäntarfilmbryys fir Goodnight Nobody
• 2015: Migros-Kulurbrozänt CH-Dokfilm-Wettbewärb^[14][8]
• 2018: Nominierig fir dr Schwyzer Filmbryys in dr Kategory «Beschte Dokumäntarfilm» fir Almost There; Schwyzer Filmbryys fir di Bescht Montasch fir dr Filmeditor Gion-Reto Killias
• 2019: Young Eyes Film Award am DOK Leipzig fir Where We Belong^[15]
• 2020: Nominierig fir dr Schwyzer Filmbryys in dr Kategory «Beschte Dokumäntarfilm» fir Where We Belong

• real Film
• Jacqueline Zünd in dr Internet Movie Database
• Jacqueline Zünd bi swissfilms.ch
• Interview zum Film «Almost there» (Arte, 2018)
• Jacqueline Zünd bi crew united