Jenna Hasse
| Dialäkt: Undermarkgreflerisch |
D Jenna Hasse (* 1989 z Lissabon, Portugal) isch e schwyzerisch-portugiesischi Reschiseeri un Schauspiileri.
Biografy un Karriere
D Jenna Hasse isch as Doochter vun ere Schwyzer Mueter un eme portugiesische Vater in dr Regioon am Gämfersee im Kanton Waadt ufgwagse.[1][2]
Si het zeerscht an dr Uniwersiteet Lausanne aafange Filmwisseschaft studiere, voreb si uf Brüssel ans Institut National Supérieur des Arts du Spectacle (INSAS) gangen isch, go deert Schauspiil lehre.[3]
Arbet as Reschiseeri
Anne 2014 het si ire eerscht Chuurzfilm as Reschiseeri un Autoori realisiert: Im August (En août). Dr Film isch fir d Quinzaine des réalisateurs (hite Quinzaine des cinéastes) am Filmfeschtiwäl vu Cannes uusgwehlt woore,[4] un druf au bi vyl andere Feschtiwäl wie em IFF Rotterdam,[5] em BFI London un andere. Dr Film isch unter anderem fir dr Schwyzer Filmbryys as Beschte Chuurzfilm nominiert woore.[6]
Ire zweet Chuurzfilm, Soltar (2016), wu si au d Hauptroll din gspiilt het, un au ire mittellang Film Il protagonista (2020), sin an Feschtiwäl wie FIFF Namur, Curtas Vila do Conde un em DocLisboa zaigt woore.[7][8]
Ire eerscht lang Spiilfilm, L’ Amour du Monde (Sehnsucht nach der Welt) isch fir d Sektzioon „Generation“ an dr Berlinale 2023 uusgwehlt woore. Fir där Film het d Jenna Hasse wider mit dr Clarisse Moussa zämegschafft, wu scho as Maidli in En août gspiilt ghaa het.[9][10]
Arbet as Schauspiileri
As Schauspiileri schafft d Jenna Hasse im Film un au im Theater. Syt 2009 het si an verschiidene Stuck in dr Schwyz, z Frankrych un z Belgie mitgwiirkt. Anne 2012 isch si Dail vum Projäkt „Junge Talente“ gsii, wu Schwyzer Noowugsschauspiiler*ne promote duet.[11] Unter anderem het si an Film vu Emmanuel Finkiel, Jean-Paul Civeyrac, Stéphanie Chuat un Véronique Reymond oder Carmen Jaquier mitgwiirkt. Fir iri Roll in On avait dit qu'on irait jusqu'en haut vu Schwyzer Reschisser Tizian Büchi isch si am Sahar International Film Feschtiwäl mit em Bryys fir s bescht Schuspiil uuszaichnet woore.[12]
Filmografy
Reschy un Draibuech
- 2014: En août (Chuurzfilm)
- 2016: Soltar (Chuurzfilm)
- 2020: Il protagonista (mittellange Dokumäntaarfilm)
- 2023: L’Amour du Monde (Draibuech zäme mit dr Nicole Stankiewick un dr Julien Bouissoux)
Schauspiil
Kino
- 2017: La douleur
- 2017: Mes Provinciales
- 2019: Schwesterlein
Chuurzfilm
- 2013: Dérobée
- 2014: Les Vagues
- 2014: On avait dit qu’on irait jusqu’en haut
- 2015: Un Eléphant me regarde
- 2015: Pavillon n°7
- 2016: Soltar
- 2016: Sott’Acqua
- 2017: A Léa, à l’aube
Theater
- 2009: L’Amant, Reschy: Benoit Blampain, Vevey
- 2010: Venus Erotica (Lääsig vum Täxt vu dr Anaïs Nin), Reschy: Benoît Blampain, Namur
- 2012: La Mouette vum Anton Tschechow, Reschy: Roumen Tchakarov Nina
- 2013: Tristesse animal noir vu dr Hanja Hilling, Reschy: Selma Alaoui
- 2014: La Cerisaie vum Anton Tschechow, Reschy: Anne Thuot Ania
- 2014: La cuisine vu dr Stephanie Scultore; Reschy: léone
- 2014/15: L'échange vum Paul Claudel, Reschy: Raoul Teuscher Marthe, Théâtre des Amis, Genève et Théâtre Puloff, Lausanne, Compagnie Le Mérinos
- 2016: La Cuisine - reprise, Reschy: Stephanie Scultore, Festival Courants d’air, Bruxelles
- 2016: Le petit monde de George Dandin vum Molière, Reschy: Nicole Stankiewick, Outsas, Bruxelles
- 2018: Des hommes et des flics, Collectif ASBL, Bruxelles, Café de la Toison d'or
- 2022: Le petit monde de George Dandin - reprise, Reschy: Nicole Stankiewicz
Weblink
- Jenna Hasse in dr Internet Movie Database
- Jenna Hasse bi swissfilms.ch
- d Jenna Hasse as Gascht bi Make TV Great again (Video)
- d Jenna Hasse bi dr Agäntuur UBBA
- d Jenna Hasse bi Comedien.ch
Fueßnote
 | Dä Artikel basiert uff ere fräie Übersetzig vu dere Version vum Artikel „Jenna_Hasse“ vu de dütsche Wikipedia. E Liste vu de Autore un Versione isch do z finde. |