Joseph-Maurice Ravel

Dr Ravel isch uf s Bariiser Konserwatorium, won en s Muusigestäblischment chrumm aagluegt het und iiri Behandlig von em het e Skandaal usglööst. Noch em Konserwatorium het er si äignig Stiil entwigglet, wo von ere groosse Klaarhäit und Räinhäit brägt gsi isch und won er din Elimänt us em Barock, us em Neoklassizismus und, in sine spöötere Wärk, us em Dschääs integriert het. Er het vil mit musikalische Forme experimentiert wie zum Bischbil im Boléro (1928), wo sis bekanntiste Wärk isch und wo d Widerhoolig din dr Blatz vo dr Entwigglig iinimmt. Er het au Wärk vo andere Komponiste für Orchester arrangschiert, wo im Mussorgsky si Klavierzyklus Bilder in ere Usstellig am bekanntiste isch.

Dr Ravel het langsaam und genau gschafft und weeniger Stück komponiert as vili vo sine Zitgenosse. Zu de Wärk, wo in s Repertuar ufgnoo worde si Konzärt für äi und zwäi Klavier, Kammermuusig, Muusig für Ballett, zwäi Opere und acht Liederzüklus. Sümfonie oder Chillemuusig het er käini gschriibe. E Hufe vo sine Wärk git s in zwäi Wersioone: en ersti für Klavier und e spööteri für Orchester. S Muusig für Klavier cha, wi Gaspard de la nuit (1908), usserordentlig schweer zum Spiile si, und sini komplexe Orchesterwärk verlange, wi Daphnis et Chloé (1912), vil Gschick bim Uffüere.

Dr Ravel isch äine vo de erste Komponiste gsi, wo s Potenzial vom Ufnee richdig iigschetzt het, zum si Muusig eme gröössere Publikum zuegänglig mache. Vo de 1920er aa het er sälber meereri Wärk iigspiilt, au wenn sis Chönne as e Pianist oder Dirigänt eender beschränggt gsi isch, anderi Ufnaame si under sinere Ufsicht entstande.

Die Uswaal vo de wichdigste Wärk vom Ravel basiert uf em chronologische Gsamtkatalog vom Maurice Marnat:

Klaviermuusig

• Habanera für zwäi Klavier (1895)
• La parade (1896)
• Pavane pour une infante défunte (1899; Orchesterfassig 1910)
• Jeux d’eau (1901)
• Sonatine pour piano (1903–1905); Setz: Modéré; Mouvement de menuet; Animé
• Miroirs (1904–1905); Setz: Noctuelles; Oiseaux tristes; Une barque sur l’océan (Orchesterfassig 1906); Alborada del gracioso (Orchesterfassig 1918); La vallée des cloches
• Gaspard de la nuit noch em Aloysius Bertrand (1908), Setz: Ondine; Le gibet; Scarbo
• Ma mère l’oye, Stück für Klavier für vier Händ noch Faable vom Perrault und vo dr Mme. d’Aulnoy (1908–1910); Setz: Pavane de la belle au bois dormant; Petit poucet; Laideronnette, impératrice des pagodes; Les entretiens de la belle et de la bête; Le jardin féerique
• Valses nobles et sentimentales (1911; Orchesterfassig 1912)
• Le Tombeau de Couperin (1914–1917); Setz: Prélude; Fugue; Forlane; Rigaudon; Menuet; Toccata (Orchesterfassig vom 1. und 3.–5. Satz 1919)
• Frontispice für zwäi Klavier für fümf Händ (1918)

Kammermuusig

• Violinsonate Nr. 1 (1897)
• Striichkwardett F-Dur (1902–1903); Setz: Allegro moderato; Assez vif, très rythmé; Très lent; Vif et agité
• Introdukzioon und Allegro für Harfe, Flöte, Klarinette, zwäi Violine, Viola und Tschello (1905)
• Klaviertrio a-Moll (1914), Setz: Modéré; Pantoum. Assez vite; Passacaille. Très large; Final. Animé
• Sonate für Violine und Violontschello (1920–1922)
• Violinsonate Nr. 2 (1923–1927)

Orchesterwärk

• Shéhérazade, ouverture de féerie für Orchester (1898)
• Rapsodie espagnole (1907); Setz: Prélude à la nuit; Malagueña; Habanera; Feria
• Daphnis et Chloé Orchestersuite Nr. 1 (1911); Setz: Nocturne avec choeur a cappella ou orchestration seulement; Interlude; Danse guerrière
• Daphnis et Chloé Orchestersuite Nr. 2 (1912); Setz: Lever du jour; Pantomime; Danse générale
• La Valse, choreographisches Gedicht für Orchester (1919–1920)
• Boléro, Ballettmuusig (1928; Fassig für Klavier für vier Händ 1929)

Konzärt und Konzärtstück

• Tzigane, Rhapsodii für Violine und Luthéal (1924) (au as Fassig für Violine und Klavier oder Orchester)
• Klavierkonzärt D-Dur für die linggi Hand (1929–1930)
• Klavierkonzärt G-Dur (1929–1931)

Vokalmuusig

• Ballade de la reine morte d’aimer, Lied mit Klavierbegläitig, Teggst vom Roland de Marès (1893)
• Les Bayadères für Sopran, gmischte Chor und Orchester (1900)
• Shéhérazade, Liederzüklus für Sopran oder Tenor und Orchester, Teggst vom Tristan Klingsor (1903); Setz: Asie; La flûte enchantée; L’indifférent
• Histoires naturelles, Liederzüklus für e middleri Singstimm und Klavier noch Teggst vom Jules Renard (1906); Setz: Le paon; Le grillon; Le cygne; Le martin-pêcheur; La pintade
• Vocalise-étude en forme de habanera, Lied für e diefi Singstimm und Klavier (1907)
• Trois poèmes de Stéphane Mallarmé, Liederzüklus für e Singstimm und Pikkoloflöte, zwäi Flöte, Klarinette, Bassklarinette, zwäi Violine, Viola, Tschello und Klavier (1913; Fassig für e Singstimm und Klavier 1913); Setz: Soupir; Placet futile; Surgi de la croupe et du bond
• Drei Lieder für gemischten Chor a cappella, Teggst vom Ravel (1914–1915; Fassig für e middleri Singstimm und Klavier 1915); Setz: Nicolette; Trois beaux oiseaux du paradis; Ronde
• Chansons madécasses, Liederzüklus für Sopran, Flöte, Tschello und Klavier noch Teggst vom Evariste-Désiré Parny de Forges (1925–1926); Setz: Nahandove; Aoua; Il est doux
• Don Quichotte à Dulcinée, Liederzüklus für Bariton und Orchester noch Teggst vom Paul Morand (1932-33); Setz: Chanson romanesque; Chanson épique; Chanson à boire

Büüniwärk

• L’Heure espagnole (Die spanischi Stund), Opere, Libretto vom Franc-Nohain (1907)
• Daphnis et Chloé, Ballettmuusig (1909–1912)
• Ma mère l’oye, Ballett für Orchester noch dr Klaviersuite mit em gliiche Naame (1911–1912)
• L’Enfant et les Sortilèges, lürischi Fantasii noch Teggst vo dr Colette mit 21 Rolle für Sopran-, Mezzosopran-, Tenor- und Bass-Stimme, gmischte Chor, Kinderchor und Orchester (1919-25)

Bearbäitige

• Cinq mélodies populaires grecques (1904)
• Claude Debussy: Trois Nocturnes, Fassig für zwäi Klavier (1909)
• Claude Debussy: Prélude à l’après-midi d’un faune, Fassig für Klavier für vier Händ (1910)
• Les Sylphides, Orchesterfassig vo Klavierstück vom Frédéric Chopin (1914) (Prélude, Op. 28/7; Nocturne, Op. 32/2; Valse, Op. 70/1; Mazurka, Op. 33/2, 67/3; Prélude, Op. 28/7; Valse, Op. 64/2; Grande valse brillante, Op. 18)
• Robert Schumann: Karneval op. 9 (Orchesterfassig) (1914)
• Orchesterfassig vom Klavierzüklus Bilder in ere Usstellig vom Modest Mussorgski (1922)

• Jean Echenoz: Ravel. Roman. Deutsch von Hinrich Schmidt-Henkel. Berlin Verlag, Berlin 2007, ISBN 978-3-8270-0693-6
• Theo Hirsbrunner: Maurice Ravel. Laaber-Verlag, Laaber 1989, ISBN 3-89007-143-0; 2. Uflaag. 2014, ISBN 978-3-89007-253-1.
• Vladimir Jankélévitch, Willi Reich, Paul Raabe: Maurice Ravel in Selbstzeugnissen und Bilddokumenten. (= Rowohlts Monographien; 13). Rowohlt, Reinbek 1958 (letschti Nöiuflaag 1991), ISBN 3-499-50013-2
• Roger Nichols: Ravel. Yale University Press, New Haven und London um 2011, ISBN 978-0-300-10882-8 (Inhaltsverzeichnis (Site cha nüme abgrüeft wärde; Suche im Webarchiv)[1] [2] Vorlage:Toter Link/dibi2.rz.uni-frankfurt.de)
• Arbie Orenstein: Maurice Ravel. Leben und Werk. Reclam, Stuttgart 1978, ISBN 3-15-010277-4
• Roland-Manuel: Ravel. Potsdam 1951
• Gerd Sannemüller: Das Klavierwerk von Maurice Ravel. (Versuch einer stilistischen Grundlegung). Dissertazioon, Kiel 1961
• Michael Stegemann: Maurice Ravel. (= Rowohlts Monographien; 538). Rowohlt, Reinbek 1996, ISBN 3-499-50538-X
• Hans Heinz Stuckenschmidt: Maurice Ravel. Variationen über Person und Werk. Suhrkamp, Frankfurt am Main 1984, ISBN 3-518-36853-2
• Willy Tappolet: Maurice Ravel. Leben und Werk. Olte 1950
• Stephen Zank: Maurice Ravel. A Guide to Research. Routledge, Nöi York und London 2005, ISBN 0-8153-1618-6 (Biografii, Bibliografii und Wärkverzäichnis)
• Peter Kaminsky: Unmasking Ravel: New Perspectives on the Music (Eastman Studies in Music). University of Rochester Press, Rochester 2011, ISBN 978-1-580-46337-9. (änglisch)

 Commons: Maurice Ravel – Album mit Multimediadateie

• Wärch vu un iber Joseph-Maurice Ravel in dr Dytsche Digitale Bibliothek
• Gmeinfreji Note vu Joseph-Maurice Ravel im International Music Score Library Project
• Literatur über e Maurice Ravel
• Marnat-Katalog vo de Wärk vom Maurice Ravel (franzöösisch)
• Biografii vom Maurice Ravel (änglisch)
• Biographische Angaben mit Links
• Piano Society – Ravel (Freiji Ufnaame)
• S Grab
• Académie internationale de Musique Maurice Ravel in Saint-Jean-de-Luz
• Maurice Ravels Freunde: Les Amis de Maurice Ravel

Dä Artikel basiert uff ere fräie Übersetzig vum Artikel „Maurice_Ravel“ vu de änglische Wikipedia. E Liste vu de Autore un Versione isch do z finde.