Julia Philippi

D Philippi het z Homburg Abitur gmacht un derno an dr Universitet Haidelberch Chunschtgschicht, Volkswirtschaft un Romanischtik studiert. Syter anne 1992 fiert si d Galerie Julia Philippi z Dossenheim.^[1]

D Philippi isch anne 1998 in d CDU yydrätte. Bi dr Kommunalwahle 2004 isch si in Gmairot vu Dossenheim gwehlt wore un au in Chraisdag vum Rhy-Necker-Chrais. Syter anne 2008isch si Stellverdrättendei Burgermaischteri z Dossenheim.

Am 1. Jänner 2018 isch si fir dr Georg Wacker, wu as Gschäftsfierer zue dr Staatlige Toto-Lotto GmbH Bade-Wirttebärg gwächslet isch^[2] in Landdag vu Bade-Wirttebärg noogruckt.^[3] Im Landdag isch si Mitglid im Uusschuss fir Wisseschaft, Forschig un Chunscht un im Petitionsuusschuss.

• Mitglid im Kuratorium vu dr Landeszentrale für politische Bildung Baden-Württemberg
• Mitglid vu dr Jury „Radiale – Kunst im Kreis“ vum Rhy-Necker-Chrais
• Mitglid vu dr Kummission Chunscht vu dr Gmai Dossenheim
• Mitglid vum Ufsichtsrot vu dr Jugendeinrichtung Stift Sunnisheim gGmbH,
• Vorsitzeri vum Heidelberger Kunstverein e. V.
• 2. Vorsitzeri vu dr Jugendkunstschule Heidelberg/Bergstraße e. V.
• Schatzmaischteri vum Galerieverband Rhy-Necker, Mannem.

Ihre Großvater vu dr Muetersyte här isch dr Otto Eichenlaub gsii, wu noch em Zweete Wältchrieg Regierigsbresidänt vum Regierigsbezirk Rhyhesse-Pfalz un Mitglid vu dr Berotende Landesversammlig vu Rhyland-Pfalz gsii isch. Ihre Mueter Monika Beck isch Abgordneti vum saarländische Landdag gsii. D Philippi isch ghyrote, het drei Chinder un läbt mit dr Familie z Dossenheim bi Haidelberch.^[3]

• d Julia Philippi uf dr Websyte vu dr CDU-Landdagsfraktion Bade-Wirttebärg
• Abgordneteprofil bim Landdag Bade-Wirttebärg in dr 16. Wahlperiod