Kabinett Ehard I
S Kabinett Ehard I isch vum 21. Dezember 1946 bis zum 20. Septämber 1947 d Staatsregierig vum Freistaat Bayern gsii. Vor dr Regierigsbildig het s d Wahl zum 1. Bayerische Landdag noch em Änd vum Zweete Wältchrieg gee. Dodermit isch s Kabinett Ehard I di erscht Landesregierig in dr Noochriegszyt gsii, wu dur demokratischi Wahle z Stand chuu un nit vu dr US-amerikanische Bsatzigsmacht yygsetzt woren isch. Drotz ass d CSU iber s absolut Mee an Sitz im Landdag ghaa het, het dr Hans Ehard e Koalizionsregierig us CSU, SPD un dr Wirtschaftliche Aufbau-Vereinigung (WAV)) bildet, wu aafangs e Mee vu 171 vu dr 180 Sitz im Landdag ghaa het. Dr ainzig Minischter vu dr WAV, dr Alfred Loritz, isch am 24. Juni 1947 wäg em Verdacht vu Mainaid un Schwarzmäärtgschäft uusgschide. Dr Ludwig Hagenauer vu dr CSU het sy Amt ibernuu, dodermit het dr Ehard druf di erscht groß Koalizion us CSU un SPD z Bayern gfiert.
Am 15. Septämber 1947 sin d Minischter vu dr SPD zruggdrätte un d SPD isch us dr Koalizionsregierig uusgschide.[1] Dodruf het dr Minischterbresidänt Ehard mit em Kabinett Ehard II e raini CSU-Regierig bildet.
| Amt | Name | Bartei | Staatssekreter |
|---|---|---|---|
| Minischterbresidänt | Hans Ehard | CSU | Anton Pfeiffer (Laiter vu dr Staatskanzlei) |
| Stellverdrätter vum Minischterbresidänt | Wilhelm Hoegner | SPD | – |
| Inners | Josef Seifried | SPD | Willi Ankermüller ab 10. Jänner 1947 |
| Franz Fischer (Böuwäse) ab 10. Jänner 1947 | |||
| Wolfgang Jaenicke (Flichtlingswäse) ab 31. Jänner 1947 | |||
| Juschtiz | Wilhelm Hoegner | SPD | Ludwig Hagenauer 10. Jänner bis 15. Juli 1947 |
| Carljörg Lacherbauer ab 18. Juli 1947 | |||
| Finanze | Hans Kraus | CSU | Hans Müller |
| Wirtschaft | Rudolf Zorn | SPD | Hugo Geiger ab 10. Jänner 1947 |
| Lorenz Sedlmayr (Blanig un Widerufböu) ab 10. Jänner 1947 | |||
| Landwirtschaft un Forscht | Joseph Baumgartner | CSU | Hans Gentner |
| Verchehr | Otto Frommknecht ab 10. Jänner 1947 | CSU | Hans Schuberth 10. Jänner bis 31. Augschte 1947 |
| Unterricht un Kultus | Alois Hundhammer | CSU | Claus Pittroff |
| Dieter Sattler (Scheni Chinscht) ab 31. Jänner 1947 | |||
| Arbet un Soziali Firsorg | Albert Roßhaupter | SPD | Heinrich Krehle |
| Sonderminischter | Alfred Loritz bis 24. Juni 1947 | WAV | Arthur Höltermann bis 28. Mai 1947 |
| Ludwig Hagenauer ab 15. Juli 1947 | CSU | Camille Sachs ab 15. Juli 1947 |
Literatur
- Peter Jakob Kock: Der Bayerische Landtag. Eine Chronik. Hrsg. vom Bayerischen Landtag. 7. aktualisierte Auflage. München 2016 (Online)
Weblink
- www.bayern.de: Kabinett Dr. Hans Ehard (1946–1947)
Fueßnote
 | Dä Artikel basiert uff ere fräie Übersetzig vu dere Version vum Artikel „Kabinett_Ehard_I“ vu de dütsche Wikipedia. E Liste vu de Autore un Versione isch do z finde. |