Chilchbèèrger Schwinget
Dr Chilchbèèrger Schwinget oder Chilchbèèrg-Schwinget isch e Schwingfescht, wu alli sechs Johr z Chilchbèèrg bi Züri stattfindet. S het e bsundere Status unter dr iberregionale Schwingfescht, wel do nume di sächzg beschte Schwinger vu dr Schwyz, im Schwingerjargon «di ganz Böse», yyglade wäre. Wäge däm giltet e Siig am Chilchbèèrger Schwinget as schwiiriger wie ne Siig bim Aidgnessische Schwing- un Älplerfescht un bringt dodermit au ne hechere Status.[1]
Dr Chilchbèèrger Schwinget isch dur dr Chilchbèèrger Jurischt Emil Huber (1879–1938) grindet wore. Di erscht Uusdragig isch anne 1927 vum Fritz Hagmann gwunne wore. Anne 1933 het dr Huber derno ne Stiftig mit 15'000 Fr. yygrichtet zum alli baar Johr z Chilchbèèrg e Schwingfescht z veraastalte.[2]
Dr Chilchbèèrger Schwinget wird alli sechs Johr im Septämber uf em Guetshof «Uf Stocken» z Chilchbeèèg durgfiert. S Schwyzer Färnseh iberdrait en live.
E Bsunderhait vum Chilchbèèrger Schwinget isch, ass d Schwinger un au d 12'000 Bsuecher nume uf Yyladig derfe chuu.
Siigerlischt
Rekordhalter isch dr Karl Meli, wu mit syne Siig 1967 un 1973 as ainzige Schwinger zwaimol dr Chilchbèèrger Schwinget gwunne het.
|
|
Fueßnote
Weblink
- Kilchberger Schwinget (Site cha nüme abgrüeft wärde; Suche im Webarchiv)
- Uuszug us em 35. Neijohrsblatt vu dr Gmai Chilchbèèrg vm Jänner 1994: Gschicht vum Guet "Uf Stocken" un vum Chilchbèèrger Schwinget
 | Dä Artikel basiert uff ere fräie Übersetzig vu dere Version vum Artikel „Kilchberger_Schwinget“ vu de dütsche Wikipedia. E Liste vu de Autore un Versione isch do z finde. |