Lance Adams-Schneider

Dr Adams-Schneider ìsch ànna 1919 z’ Wellington uf d’ Walt kumma. Ar ìsch dr Suhn gsìì vum Arthur Archibald Adams un vu dr Hilda Mary Adams, geborena Biggs. Àls ar zwai Johra àlt gsìì ìsch, ìsch sina Müatter gschtorwa. Àlso han ìhn sina Tànta un si Unkel vàttersits adoptiart. Dr Adams-Schneider ìsch unterànderem àn d’ Mount Albert Grammar School z’ Auckland ìn d’ Schüala gànga.

Noh sinera Schüalzitt hàt’r a Schtoffgschaft grìnda z’ Auckland. Dernoh hàt’r a groossa Gschaft z’ Taumarunui glaita. Wahrem Zwaita Waltkriag hàt’r ìm Medizinischa Korps gediant. Ar ìsch schpeeter Mìtglìed worra vum Gmainsrot vu Taumarunui, wia àui Vorsìtzender vu dr Hàndelskàmmer, un Ràhma ìm Verain vu da Näiseelandischa Groosshandler (New Zealand Retailers' Association).

Àn dr Pàrlamantswàhl vu 1957 ìsch dr Adams-Schneider Kàndidàt gsìì ìm Wàhlkrais Hutt, gega dr Walter Nash, dr Laiter vu dr Labour Party; ar ìsch àm zwaita Plàtz ààkumma. Noh-n-em Tod vu dr Àbgordneta Hilda Ross hàt dr Adams-Schneider ànna 1959 d’ Nàchwàhl ìm Wàhlkrais Hamilton gwunna. Art hàt s’ Hamilton vertratta, bis ma da Wàhlkrais abgschàfft hàt, àn dr Wàhl vu 1969. Dernoh hàt dr Adams-Schneider dr Wàhlkrais Waikato vertratta, bis züa sim Rucktrìtt ìm Johr 1981.

Vu 1964 bis 1967 ìsch dr Adams-Schneider Unt’rsekretär gsìì ìm Pàrlamant. Zwìscha 1967 un 1981 hàt’r mehera Minischteramt üssiawt: ar ìsch Rundfunksminischter gsìì vu 1967 bis 1969, Zollaminischter vu 1969 bis 1972, ànna 1972 Gesundhaitsminister un Minischter vum Soziàlbischtànd, un schliasslig Hàndels- un Ìndüschtriminischter vu 1975 bis 1981.

Noh sim Rucktrìtt üs dr nàzionàla Politik ìsch dr Adams-Schneider ernannt worra àls Botschàfter ìn da Verainigta Schtààta (1982-1985) un ìm Mexiko (vu 1982 bis 1983).

Ànna 1977 hàt’r dr Medàlia vum Sìlwer-Jübileum vu dr Kenigin Elizabeth II. bikumma.^[1] Bi da Üsszaichnunga zum Geburtstààg vu dr Kenigin ànna 1984 hàt ma dr Adams-Schneider àls Groosskomtür vum Orda vum St. Michael un Georg ernännt fìr si äffentlig Dianscht.^[2] Ma hàt ìhn àui ìn dr Kronràt ernannt. Züadam hàt dr Adams-Schneider d’ Näiseelandischa Gedankmedàlia vu 1990 bikumma.

Zitter ànna 1945 ìsch dr Adams-Schneider mìt dr Shirley Lois Brunton verhiirota gsìì.^[3] Nawa sinera Kàrriar ìsch’r Soziàlpedagog gsìì, un üsserdam üsserklärikàliga Preediger vun’ra Taifer-Kìrich.

Dr Lance Adams-Schneider ìsch àm 3. Septamber 1995 gschtorwa.^[4] Sina Ehafràui Shirley ìsch ìm Mai 2020 gschtorwa.^[5]

• James Oakley: New Zealand Parliamentary Record, 1840–1984. 4. Auflage. V.R. Ward, Govt. Printer, Wellington 1985, OCLC 154283103 (Erstausgabe: 1913).