Landolt
| Dialäkt: Züritüütsch |
Landolt isch uursprünglich en männliche Tauffname gsy, wo mit de Zyt zum Vattername (Patronymikum) und zletschtamänd zum Gschlächtsname (Familiename) woorden isch. Es isch e Zämesetzig us althoochtüütsch land und althoochtüütsch *walto. En walto isch öpper gsy, wo waltet, aso Gwalt über öpper oder öppis hät (vgl. s Woort Aawalt).[1]
Vo woo s Landolts chömed
As Familiename gönd di hüttige Schwyzer Landolt uf zwäi verschideni Gschlächter zrugg.[2][3][4]
- D Wuurzle vom äinte Gschlächt ligged im Glaarnerland reschpäktyve z Näfels (hütt zu Glarus Nord).
- Vo deet uus händ s im Spaatmittelalter au am Zürisee afa wone: I de Stadt Züri sind s ab 1370 bikannt, dezue anen i der Ängi, z Taalwyl und z Adlischwyl.
- Vo der Ängi uus isch im 18. Jarhundert en Landolt uf Nöiestadt am Bielersee uusgwanderet und hät deet 1725 s Bürgerrächt überchoo, und vo deet uus sind s au uf Gämf und sind deet 1875 Bürger woorde.
- D Wuurzle vom andere Gschlächt ligged im Noorde vom Kanton Züri, nämli im Wyland, bsunders z Chlyandlefinge.
- Vom Wyland uus sind Landolt im 16. Jarhundert i s doozmaal bèèrnisch Aargöi uusgwanderet; s Bürgerrächt vo Aarau händ die sit 1592.
- Vo Chlyandlefingen isch im 19. Jarhundert äinen i d Umgäbig vo de Stadt Züri choo und hät 1875 s Stadtzürcher Bürgerrächt überchoo. Drum gits hüt aso altygsässeni Stadtzürcher Landolt und uursprünglichi Wyländer Landolt – die mues mer usenandhaa, wä me si für Genealogy intressiert.
Lüüt, wo Landolt zum Gschlächt ghäissed
Landolt (Landlet) us em Glaarnerland:
- Franz Landolt (SP) (1901–1965), en Politiker
- Franz Landolt (GLP) (*1958), en Politiker
- Fritz Landolt (1891–1967), en Politiker
- Jules Landolt (1930–2005), en Politiker
- Markus Landolt (*1961), en Undernämer und Politiker
- Martin Landolt (*1968), en Banquier und Politiker
altygsässeni Landolt us de Stadt Züri:
- Hans Heinrich Landolt (1831–1910), en Cheemiker
- Salomon Landolt (1741–1818), en Politiker, Landwiirt und Maaler
Landolt us em Wyland:
- Elias Landolt (Forstwissenschaftler) (1821–1896), en Forschtwüsseschafter
- Karl Landolt (1925–2009), en Maaler, Graafiker, Holzschnyder, Litograaf und Töpferer
Aargauischi Landolt, wo uursprünglich uf s Wyländer Gschlächt zrugggönd:
- Edmund Landolt (1848–1926), en Oftalmoloog (Augenaarzt)
Stadtzürcher Landolt, wo uursprünglich uf s Wyländer Gschlächt zrugggönd:
- Christoph Landolt (*1966), en Spraachwüsseschafter
- Elias Landolt (Geobotaniker) (1926–2013), en Geobotaaniker
- Emil Landolt (1895–1995), en Politiker
Lüüt, wo Landolt as Tauffname händ
Gschäfter, wo Landolt im Name händ
- D Bank Landolt & Cie z Gämf, wos vo 1780 bis 2022 ggèè hät, isch uf di wältsche Landolt zrugggange, aso söttigi, wo uursprünglich vom Zürisee choo sind.
- D Wyhandlig Landolt z Züri, wo 1834 vom Emanuel Hess gründet woorden isch, hät de Name vo de Chlyandlefinger Landolt.[5]
Quäle
 | Die Syte isch ä Begriffsklärig zum Unterscheide vo verschidene Sache, Ort oder Persone, wo im Schriftdütsch s glych Wort derfir bruucht wird.
|
