Marie-Theres Nadig
D Marie-Theres «Maite» Nadig (* 8. März 1954 z Flums) isch en ehemaligi Schwiizer Skirännfahreri. Sie isch i de 1970er und am Aafang vo de 1980er Jahr bsunders i de Diszipline Abfahrt, Riiseslalom und Kombination erfolgriich gsi. Insgsamt het sie 24 Wältcöpränne. Sie isch aber hüüfig im Schatte vo ihrere östriichische Konkurräntin Annemarie Moser-Pröll gstande. Nach em Rücktritt vo de Moser-Pröll het sie i de Saison 1980/81 d Gsamtwältcöpwärtig für sich entschide.
Ihre gröschti Erfolg isch de überraschendi Gewünn vo de Abfahrts- und Riiseslalom-Goldmedaille bi de Olympischen Winterspiil 1972 z Sapporo gsi. En Abfahrts-Bronzemedaille isch bi de Olympische Winterspiil 1980 z Lake Placid dezue cho. Nach ihrem Rücktritt vom Spitzesport im Jahr 1981 isch sie über zwei Jahrzähnt lang wie ihre Brüeder Theo als Traineri tätig gsi, zerst z Liechtestei, spöter i de Schwiiz. Hüt bildet sie im Skiverband vo ihrere Region Sarganserland-Walesee de Nachwuchs uus. Ihri Medaille und Trophäe het d Marie-Theres Nadig verschänkt, wo sie 2011 züglet het.[1]
Erfolg
Olympischi Spiil
- Sapporo 1972: 1. Abfahrt, 1. Riiseslalom
- Innsbruck 1976: 5. Riiseslalom
- Lake Placid 1980: 3. Abfahrt
Wältmeisterschafte
- Sapporo 1972: 1. Kombination
- St. Moritz 1974: 5. Abfahrt
- Innsbruck 1976: 5. Riiseslalom
- Garmisch-Partechirche 1978: 4. Abfahrt
- Lake Placid 1980: 3. Abfahrt
Wältcöpwärtige
| Saison | Gsamt | Abfahrt | Riiseslalom | Slalom | Kombination | |||||
|---|---|---|---|---|---|---|---|---|---|---|
| Platz | Pünkt | Platz | Pünkt | Platz | Pünkt | Platz | Pünkt | Platz | Pünkt | |
| 1971/72 | 5. | 111 | 3. | 71 | 6. | 37 | 23. | 3 | - | - |
| 1972/73 | 17. | 48 | 10. | 22 | 9. | 36 | - | - | - | - |
| 1973/74 | 6. | 123 | 2. | 72 | 9. | 28 | - | - | - | - |
| 1974/75 | 4. | 154 | 3. | 100 | 10. | 22 | 13. | 11 | - | - |
| 1975/76 | 14. | 58 | 10. | 27 | 10. | 19 | 16. | 12 | - | - |
| 1976/77 | 6. | 133 | 3. | 81 | 23. | 3 | - | - | - | - |
| 1977/78 | 10. | 63 | 3. | 78 | 14. | 10 | - | - | - | - |
| 1978/79 | 5. | 156 | 3. | 89 | 4. | 94 | - | - | - | - |
| 1979/80 | 3. | 221 | 1. | 125 | 2. | 95 | 22. | 11 | 6. | 25 |
| 1980/81 | 1. | 289 | 1. | 120 | 2. | 97 | 28. | 7 | 1. | 86 |
Wältcöpsiig
Abfahrt
| Riiseslalom
Kombination
|
Wiiteri Erfolg
- 5 Schwiizer Meistertitel (Abfahrt 1972; Riiseslalom 1976, 1980; Kombination 1972)
Ehrige
- 1972: Schwiizer Sportleri vom Jahr
- 1981: Skieur d’Or
Quelle
- Internationales Sportarchiv, Ausgabe 46/2001 (Munzinger-Archiv)
Weblink
Commons: Marie-Theres Nadig – Sammlig vo Multimediadateie- Es Porträt zum 60. Geburtstag
- Marie-Theres Nadig in dr Datebank vum Internationale Skiverband FIS (änglisch)
- Marie-Theres Nadig bei Ski-db (englisch)
- Marie-Theres Nadig in dr Datebank vu Sports-Reference.com (änglisch)