Martina Clavadetscher
D Martina Clavadetscher (* 1. Augschte 1979 z Zoog) isch e Schwyzer Autori.
Lääbe
D Martina Clavadetscher isch z Brunne ufgwagse un vu 1994 bis 1998 uf s Gimnasium im Kollegium Schwyz gange. Derno het si Dytschi Literatur, Linguischtik un Filosofy an dr Uniwersideet Fryburg i. Üe. studiert. Anne 2006 isch am Lozärner Theater ire eerscht Theaterstuck Drei Frauen urufgfiert wore (Reschy: Sophie Stierle). Anderi Theaterstuck sin Gemeinsam, wu 2009 am Schauspielhaus Hamburg urufgfiert woren isch, un 2013 s Stuck Deliver My Heart!, wu im Südpol Lozärn[1] Premiere ghaa het.
D Clavadetscher schrybt un liist regelmäßig d Radio-Kolumne Apropos[2] fir s Schwyzer Radio SRF 1. Anne 2012 isch ere dr Kulturferderbrys vum Kanton Schwyz verlihe wore. In dr Theatersaison 2013/14 isch d Clavadetscher im Rame vum Ferderbrogramm «Stücklabor Neue Schweizer Dramatik» Huusautori am Lozärner Theater gsii.[3] S Ufdragsstuck My only friend, the end, wu um des Zyt entstande isch,[4] isch im Merz 2014 urufgfiert un in dr Juni-Uusgab vu dr Fachzytschrift „Theater der Zeit“ abdruckt wore.[5]
2014 isch ire Prosa-Debüt Sammler erschine[6][7], wu si zum Ufdritt Schwyz demit an d Buechmäss Leizig yyglade woren isch.[8]
Mit irem Stuck Umständliche Rettung het d Clavadetscher dr Essener Autorebrys Stück auf! 2016 gwunne[9] un isch im nämlige Johr fir dr Heidelberger Stückemarkt nominiert wore.[10]
2017 isch si mit irem Roman Knochenlieder fir dr Schwyzer Buechbrys nominiert gsii.[11][12] Ire zweet Roman Die Erfindung des Ungehorsams het dr Schwyzer Buechbrys 2021 gwunne.
Wäärch
Prosa
- Sammler. Erzählung, Verlag Martin Wallimann, Alpnach 2014, ISBN 978-3-905969-34-4.
- Hokuspokus Verschwindibus. Carte blanche, Kulturtipp, Nr. 17/14, ISSN 1664-1515.
- Knochenlieder. Roman, Edition Bücherlese, Hitzkirch 2017, ISBN 978-3-906907-01-7.
- Die Erfindung des Ungehorsams. Roman, Unionsverlag, Zürich 2021, ISBN 978-3-293-00565-5.
Theaterstuck
- Deliver my heart! Uruffierig Südpol Lozärn, 2013.
- My only friend, the end. Uruffierig, Lozärner Theater. 2014. In: Theater der Zeit, Heft Nr. 6 / Juni 2014, ISSN 0040-5418.
- Milchdieb. Monolog, Uruffierig Lozärner Theater, 2015.[13]
- Der letzte Europäer. Uruffierig Theater am Nöimärt Züri, 2017.[14]
- Umständliche Rettung. Uruffierig Schauspiel Essen, 2017.[15]
- Gedächtnispalast – 5000 m² Theater in der Viscosistadt. Uruffierig Viscosistadt Emmenbrücke, 2019.[16]
Uuszaichnige
- 2012: Kulturferderbrys vum Kanton Schwyz[17]
- 2012: Wärchbydrag Theater vum Kanton Schwyz[18]
- 2016: Wärchbydrag Theater vum Kanton Lozärn[19]
- 2016: Autorebrys Schauspiel Essen 2016[20]
- 2016: Nomination zum Heidelberger Stückemarkt[21]
- 2016: Literaturbry vu dr Marianne-und-Curt-Dienemann-Stiftig[22]
- 2017: Nominierung fir dr Schwyzer Buechbrys
- 2021: Schwyzer Buechbrys fir Die Erfindung des Ungehorsams
Weblink
- Publikatione vo und über Martina Clavadetscher im Katalog Helveticat vo dr Schwiizerische Nationalbibliothek
- Yytrag über Martina Clavadetscher im Lexikon vom Verein Autorinnen und Autoren der Schweiz
- Churzbiografy vu dr Martina Clavadetscher bim Verlag Felix Bloch Erben
- Video-Porträt zum Heidelberger Stückemarkt 2016 bi Vimeo
- Rezension vu Knochenlieder in dr Neue Zürcher Zeitung
- Martina Clavadetscher, Biografy un Bibliografy uf Viceversa Literatur
Fueßnote
Dä Artikel basiert uff ere fräie Übersetzig vu dere Version vum Artikel „Martina_Clavadetscher“ vu de dütsche Wikipedia. E Liste vu de Autore un Versione isch do z finde. |