Nils Althaus

Dr Althaus isch z Bärn und z Gümlige ufgwaggse. Mit säggsi het er gleert Dschello spiile. Er het a dr Uni z Züri Biochemii studiert, ir Freiziit Lieder afo schriibe und vordraage, debii het er sich sälber uf dr Gitarre begläitet. Denn isch er as Schansonniee z Bärn und z Sanggalle ufdräte und het in Wärbigsfilm mitgspiilt. Er het 2007 si ersts Muusigalbum Fuessnote mit Schansons uusegee, wo alli sächzää Lieder din läiv iigspiilt worde si.^[1]

Im 2007 het er im umstrittene Kinofilm Breakout vom Reschissöör Mike Eschmann d Hauprolle gspiilt. D Swiss Films het en für daas zum Shooting Star 2007 ernennt und uf dr Berlinale eme gröössere Publikum vorgstellt.^[2]

Noch em Hip-Hoper in Breakout het dr Nils Althaus witeri Rolle i Film gspiilt; under anderem e Stallbursch in Räuberinnen und e Taxifaarer in Happy New Year. Für sini schauspiilerische Läistige in Breakout und Happy new Year isch er für e Schwizer Filmbriis Quartz nominiert worde.

Im Merz 2009 het dr Althaus mit Ändlech si zwäits Brogramm as Liedermacher ufgnoo.^[3]

2012 het er im Film Eine wen iig, dr Dällebach Kari s Bärner Stadtoriginal gspiilt, und zwor d Rolle vom junge Dällebach Kari.^[4]

Filmografii

• 2007: Breakout
• 2007: Der Boden unter den Füssen (Diplomkurzfilm)
• 2007: Jimmie
• 2007: Vandalen (Diplomkurzfilm)
• 2008: Happy New Year
• 2009: Räuberinnen
• 2009: Im Sog der Nacht
• 2009: Tannöd
• 2010: Halbschlaf
• 2010: Mary & Johnny
• 2012: Eine wen iig, dr Dällebach Kari
• 2014: Pause
• 2015: Dog Men

Diskografii

• 2007: Fuessnote (Musigalbum)
• 2009: Ändlech (Musigalbum)
• 2016: Aussetzer (Musigalbum)

• Offizielli Website
• Nils Althaus uf swissfilms.ch
• Nils Althaus bi filmportal.de