Parti communiste français

D’ Parti communiste français [paʁti kɔmynist fʁɑ̃sɛ](info) (wärtlig „Frànzeescha Kommünìschta Pàrtäi“; kurz PCF [pe se ɛf](info)), uff Diitsch Kommünìschta Pàrtäi vu Frànkrììch, ìsch a frànzeescha Pàrtäi, wo ànna 1920 grìnda worra-n-ìsch. Àm Ààfàngsjoohr 2021 hàt sa 43.888 Mìtglììder zeehlt. Ànna 2007 ìsch d’ Pàrtäi ìn dr frànzeescha Kommünààlpolitik mìt äbb 10.000 gwählta Politiker (d’rvu äbb 800 Bìrgermaischter) presänt gsìì; ìn dara Zitt ìsch sa mìt 138.000 Mìtglììder d’ wìchtigschta kommünìschta Pàrtäi ìn Wäschtöiropà gsìì.

Parti communiste français Kommünìschta Pàrtäi vu Frànkrììch
Nàzionààlsekretäär	Fabien Roussel
Sprächer	Cécile Cukierman Ian Brossat
Gründig	Dezamber 1920 (SFIC) 1921 (PC-SFIC) 1943 (PCF)
Gründigs­ort	Tours
Haupt­sitz	Gebäi vum Zäntrààlkùmittee vu dr KP vu Frànkrììch, Place du Colonel-Fabien, Pàriis
Jugend­organisation	Mouvement Jeunes Communistes de France
Ziitig	L’Humanité L’Humanité Dimanche La Terre
Uus­richtig	Kommünìschmus Öirokommünìschmus
Farb(e)	Rot
Nazionalversammlig	2022 12/577
Senat	2020 14/348
Mitgliider­zahl	47.349[1]
Internationali Verbindigen	Ìnternàzionààl Traffa vu Kommünìschta un Àrwaiterpàrtäija[2]
Europaabgordneti	0/79
Europapartei	EL
EP-Fraktion	GUE/NGL
Websiite	www.pcf.fr

Hischtoorisch schtàmmt d’ Pàrtäi üss’ra Àbschpàltung vu dr Frànzeescha Sekzioon vu dr Àrwaiter-Internàzionààla (dr SFIO) àm Kongrass vu Tours ìm Dezamber 1920. Doo hann d’ Mehrhait vu da Kongrassmìtglììder bschlossa, sìch àn dr Kommünìschta Internàzionààla ààz’schliassa. Sa hann schpeeter d’ Frànzeescha Sekzioon vu dr Kommünìschta Internàzionààla (d’ SFIC) grìnda. Ànna 1921 ìsch sa d’ Parti communiste (SFIC) worra (kurz PC-SFIC), un ànna 1943 d’ geegawartiga PCF.

Unmìttelbààr noh-n-em And vum Zwaita Waltkriag ìsch d’ Kommünìschta Pàrtäi d’ schtärkschta Lìnkspàrtäi ìn Frànkrììch gsìì. Vum 10. Septamber 1944 bis àm 4. Mai 1947 hann d’ Kommünìschta-n-àm Charles de Gaulle siim Kàbinätt mìtgmàcht. Àb Mai 1947 sìnn viar PCF-Minìschter ìm Kàbinätt Ramadier I gsìì. Witterscht sìnn noh-n-em Wàhlsiig vum François Mitterrand ànna 1981 a pààr PCF-Minìschter ìn da Regiarunga Mauroy II un III (vum 23. Jüüni 1981 bis àm 17. Jüüli 1984) gsìì. Trotzdam hàt àb da Joohra 1970 d’ Kommünìschta Pàrtäi ìmmer weeniger Ärfolg bii da Wààhla ghàà — dàs ìsch vor àllem waga dr Konküranz vu dr Soziàlìschta Pàrtäi (PS) gsìì. Wagadam hàt d’ PCF àm And vu da Joohra 2000 zamma mìt dr Parti de gauche a Àbkumma unterschrììwa, fìr dr Lìnksfront (Front de gauche) bìlda. Noh-n-em And vum Bìndniss ìm Joohr 2018 hàt d’ PCF nochamol a salbschtandiga Schtràtegii ghàà, wo dr Fabien Roussel àls Nàzionààlsekretäär gfiahrt hàt. Ànna 2022 hàt d’ Pàrtäi àn dr Bìldung vum Pàrtäibìndniss Nouvelle Union populaire écologique et sociale (NUPES) ààlàss vu dr Pàrlàmantswàhl mìtgmàcht.