Planka

Planka lit uf ra Terrasse über em Rhiital unter em Drei-Schwestra-Massiv.

Dr Dorfname Planke wird vom romanische Wort plaunca abgleitet, wo mit Halde übersetzt wird. Die romanischi Bevölkerig us Schaan und Vaduz het s Gebiet vom hütige Dorf nämlig schon grodet gha, bevor d Walliser vermuetlig gege s Ändi vom 13. Johrhundert dört iigwanderet si und no wiiteri Fleche an de obere Bärghäng grodet hai. Die ersti urkundligi Erwähnig vo Planke isch für s Johr 1361 als Planken dokumentiert. Zwei grossi Chriegsplünderige het s Dorf erlitte: 1499, wo d Eidgenosse über Planke nach Frastanz marschiert si, wo si am 20. April dr Schwöbisch Bund besiigt hai, und 1799 vo de Franzose, nochdäm si die kaiserlige Truppe vertriebe hai, wo z Planke iiquartiert gsi si.

1868 isch Planke an s Strossenetz agschlosse worde, so dass au grossi Fuehrwärk ins Dorf hai könne ko, und es nit nume meh über Trampelpfad het könne erreicht wärde. Noch eme Grossbrand vo 1869 het s e starki Abwanderig ge. So het s Dorf 1901 nume no 56 Iiwohner gha. Mit dr Grundzämmelegig 1961-1981 und ere verbesserete Infrastruktur het sich d Lag vo Planke wider besseret.

Der esoterischi Poet Martin Smyrk het im 19. Johrhundert z Planke gläbt.

Gmeindevorstehar isch dr Rainer Beck (VU).

Vo dr 367 Iiwohner sin im Johr 2000 76,8 % römisch-katholisch gsii und 9,5 % evangelisch-reformiert.^[3]

• hischtorischi Walser-Hiiser
• Josefskapell (1768)

 Commons: Planka – Sammlig vo Multimediadateie

• Offizielle Internetsita vo dr Gmänd Planka
• Ulrike Mayr, Oliver Stahl: Planken. In: Historischs Lexikon vom Förschtatum Liachtastaa.
• Arthur Brunhart: Planken. In: Historisches Lexikon vo dr Schwiiz.