Rischon LeZion
Rischon LeZion (hebräisch ראשוןـלציון, IPA: [ˈʀiʃɔn lɛˈtsiɔn],[2] uf Dütsch „Erste für (zu) Zion“, arabisch ريشون لتصيون; au as Rishon LeZion dranskribiert) isch e Groossstadt z Israel im südlige Däil vom Groossruum Tel Aviv-Jaffa, öbbe zää Kilometer südlig vo Tel Aviv im sogenannte Gusch Dan. D Stadt het 243'973 Iiwooner (2015[3]) und isch die viertgrössti im Land noch Jerusalem, Tel Aviv und Haifa.
| Rischon LeZion | |||
| |||
 | |||
| Basisdate | |||
|---|---|---|---|
| hebräisch: | ראשוןـלציון | ||
| arabisch: | ريشون لتصيون | ||
| Staat: |  Israel | ||
| Bezirk: | Zentral | ||
| Gründet: | 1882 | ||
| Koordinate: | , 34° 48′ O31° 57′ 48″ N, 34° 47′ 57″ O | ||
| Höchi: | 40 m | ||
| Flechi: | 58,704 km² | ||
| Iiwohner: | 243.973 (2015) | ||
| Bevölkerigsdichti: | 4.156 Iiwohner pro km² | ||
| Postleitzahl: | 75001 - 75199[1] | ||
| Art vo dr Gmeind: | Stadt | ||
| Webpresänz: | |||
| |||
Gschicht
Rischon LeZion isch 1882 as Moschawa vo russische Immigrante gründet worde und isch äini vo de erste jüüdische landwirtschaftlige Siidlige in dr Nöizit im hütige Israel. Dr Naame chunnt us dr Biible: (Gott säit): „Ich sagte als Erster zu Zion...“ (Jesaja 41,27) Danach ist von einer Freudenbotschaft die Rede, die die frühen Einwanderer auf sich bezogen.
E wichdiger Sektor vo dr Landwirtschaft isch scho seer früe dr Wiibau gsi: Im Joor 1887 isch mit dr Understützig vom Baron Edmond de Rothschild e Wiichällerei gründet worde. Zs dere het sich dr grösst Wiibroduzänt vo Israel, Carmel, entwigglet, wo dr formell Hauptsitz von em immer no z Rischon LeZion isch. In dr Zit vom britische Mandat isch in dr Stadt au no die ersti Brauerei z Palestina, Palestine Breweries, entstande, wo s Bier Nesher broduziert het.
Im Joor 1948 het d Stadt nume 10'000 Iiwooner ghaa. Noch dr Gründig vom Staat Israel het sich Rischon LeZion seer schnäll entwigglet. Iiwanderer us dr früenere Sowjetunion und em hütige Russland, rumänischi, dütschi, jemenitischi, marokkanischi und iranischi Iiwooner und iiri Noochfaare bräge d Stadt.[4]
Die wichdigste Wirtschaftszwiig si d Wiibrodukzioon, s Baugwärb, Dienstläistige, Handel und die farmazöitischi und elektrotechnischi Industrii.
Kultur
Rischon LeZion ist sit dr Gründig 1988 Sitz vom Israel Symphony Orchestra Rischon LeZion.[5] Es het e Stadtbibliothek mit em Hauptsitz Kotar Rishon und elf Zwiigstelle.
Jeedes Joor wird an Sukkot e Wuche lang e Wiifest gfiirt.[6]
Am 30. Oktober 2017 isch d Paul-Grüninger-Strooss in Aawäsehait vom Schwizer Bundesroot Johann Schneider-Ammann zu Ehre vom ehmoolige Sanggaller Polizeihauptme und Flüchtlingshälfer Paul Grüninger iigweiht worde.[7]
Sport
Dr bekanntist Sportveräin in dr Stadt isch Maccabi Rischon LeZion.
Stadtpartnerschafte
Rischon LeZion het acht Partnerstedt, und zwäi verpartnereti Landkräis[8]:
| Stadt | Land | sit |
|---|---|---|
| Brașov |  Rumänie | 1996 |
| Debrecen |  Ungarn | 1996 |
| Heerenveen |  Niiderlande | 1993 |
| Lublin |  Pole | 1992 |
| Lwiw |  Ukraine | 1993[9] |
| Münster |  Dytschland | 1981 |
| Nîmes |  Frankriich | 1986 |
| Teramo |  Italie | 1988 |
| Tianjin |  China | 1994 |
Landkräis
Weblingg
Commons: Rishon LeZion – Sammlig vo MultimediadateieFuessnoote
 | Dä Artikel basiert uff ere fräie Übersetzig vum Artikel „Rischon_LeZion“ vu de dütsche Wikipedia. E Liste vu de Autore un Versione isch do z finde. |