Romeu Tuma

Dr Romeu Tuma (* 4. Oktober 1931 z São Paulo, Brasilie, † 26. Oktober 2010 ebd.) isch e brasilianische Politiker gsi.

Dr Tuma isch am 4. Oktober 1931 z São Paulo, Brasilien, uf d Wält cho. Er het e Karriere in dr Polizei gmacht und isch vo 1985 bis 1992 Diräkter vo dr brasilianische Bundespolizei gsi.^[1] Zu siiner Zit isch s Skelett vom Joseph Mengele gfunde worde und dr Gangster Tommaso Buscetta isch verhaftet worde, wo denn gege die brasilianische Mafia Boss het afo ussääge.

1994 isch dr Tuma Senator für e Partido Liberal worde.^[2] Spöter isch er Mitgliid vom Partido del Frente Liberal (hüte Demócratas) worde. 2002 isch er wider in Senat gwehlt worde. 2007 het er sich em Partido Laborista Brasileño aagschlosse.

Im Septämber 2010 isch er mit Aphonii in s Sirio-Libanês Spital z São Paulo iigliiferet worde, won er am 29. Oktober an Härzversaage gstorben isch.^[3]