RuneScape

RuneScape isch es Masse-Multiplayer-Online-Rollespiil (ängl. Massive Multiplayer Online Roleplaying Game = MMORPG) vo dr Firma Jagex. D Handlig vom Spiil isch in ere mittelalterlig amuetende Fantasywält aagsiidlet. Die chostelosi Version vo RuneScape wird vo meh as zäh Millione^[1] Spiiler gspiilt, es git drzue no öbbe e Million^[1] chostepflichtigi Konte. Es isch eso eins vo de beliebtischte Online-Spiil, wo s git. Wil vili Spiiler mehreri Konte hai, isch die exakti Zahl vo der Spiiler unbekannt. RuneScape ghört eso zu de bevölkerigsriichste Online-Spiil vo dr Wält.^[2]. Allerdings isch d Zahl vo de datsächlige Spiiler uf 2000 pro Server begränzt, so dass bim gegewärtige Stand vo 171 Server (Oktober 2009) e theoretischs Maximum vo 342.000 Spiiler bestoht, wo gliichziitig agmäldet si. D Interaktion isch nume mit dene Spiiler möglig, wo uf em gliiche Server agmäldet si.