Salem

D Gmond liit rund niin Kilometer nerdlich vo Iberlinge im Linzgau im Hinterland vom Bodesee im Dal vo de Salemer Aach. De Ortsdoal Oberschtawiler liit uf eme Nebegipfel vom Gehrebearg uf bis zue 600 m Heh. Dr Bann bstoht us 56,4 % Landwirtschaftsfleche, 30,5 % Wald, 10,8 % Sidlungsflechi un 2,3 % sunschtiger Flechi.^[2]

Nochbergmonde sind Iberlinge, Meerschburg, Bermadinge, Holgebeäg, Deggehauserdal, Frigginge un Ulldinge-Milofe.

Zue Salem gheret d Ortsdoal Salem, Bira (hochdydsch: Beuren), Buggaseggl (Buggensegel), Grasbira (Grasbeuren), Mimmahusa (Mimmenhausen), Middlschdawiler (Mittelstenweiler), Neifrach (Neufrach), Oberschtawiler (Oberstenweiler), Riggabach (Rickenbach), Difinga (Tüfingen) un Wildorf (Weildorf).

Salem isch zum erschte Mol anne 1137 gnennt wore als Salemanneswilare mit de Grindung vom Kloschter Salem durch d Zischterzienser. S Kloschter isch bal e Riichsabtei worre un 1178 vom Papscht Alexander III. direkt em Holge Stuel unterstellt.

Di heitig Gmond ischt im Zug vo de Gmondsgebietsreform z Bade-Wirtteberg am 1. April 1972 dur de Zämmeschluss vo de Gmonde Buggaseggl, Mimmahusa, Middlschdawiler, Neifrach, Riggabach un Wildorf nei bildet worre. Am 1. Jänner 1973 sind Oberstenweiler un Grasbira iigmondet worre un Bira am 1. Jänner 1975.^[3]

Iiwohnerentwicklung

Salem hot sich mit de Gmonde Frigginge un Holgebeäg zum Gmondsverwaltungsverband „Salem“ mit Sitz z Salem zämmegschlosse.

Burgermoschter vo Salem:

• 1972–1988: Werner Kesenheimer
• 1988–2004: Peter Allgaier (FWV)
• siit 2004: Manfred Härle (parteilos)

Partnergmonde

• Les Essarts-le-Roi, Frankriich, siit 1994.

• s Schloss Salem mit em greschte Fiirwehrmuseum vo Europa, eme Brennerei- un Kiefereimuseum, em Archiv vo de Kunstsammlung Bodenseekreis, ere historische Schmitte un eme Wiikear
• d Schlossaalag vo de ehmolige Riichsabtei Salem, mit em hochgotische Salemer Minschter, un em Internat Schloss Salem .
• s Feuchtmayer Museum im Ortsdoal Mimmahusa iber de Barockbildhauer un Stuckator Josef Anton Feuchtmayer
• Kirch St. Ulrich, Bira
• Filialkirch Mariä Himmelfahrt, Litkirch
• Kirch Unserer Lieben Frau, Mimmahusa
• Kirch St. Antonius, Oberstenweiler
• Pfarrkirch St. Peter un Paul, Neifrach
• Pfarrkirch St. Peter und Paul, Wildorf
• Antoniuskapell, Altebira
• Markuskapell, Neifrach
• Kapell St. Marien, Middlschdawiler
• Kapell St. Georg, Grasbira
• Stefansfeld-Kapell, Stefansfeld (barock)
• Wendelinskapell, Riggabach

• E andere Attraktion vo de Gmond ischt de Affebearg, e Waldstuck, wo rund 200 Berberaffe frei rumlaufe.

• 
  Schloss Salem
• 
  Minschter un Schloss
• 
  Marstall
• 
  Feuchtmayer-Museum
• 
  Bahnhof
• 
  St. Ulrich
• 
  St. Peter un Paul, Neifrach
• 
  St. Peter un Paul, Wildorf
• 
  Mariä Himmelfahrt
• 
  Unserer Lieben Frau
• 
  Antoniuskapell
• 
  Markuskapell
• 
  St. Marien
• 
  St. Georg
• 
  Stefansfeld-Kapell
• 
  Wendelinskapell

Me kennt Salem in ganz Ditschland fir s Internat Schuel Schloss Salem, wo am 14. April 1920 dur de Reformpädagog Kurt Hahn un de Prinz Max von Baden grindet worre isch un unter de Schirmherrschaft vom bade-wirttebergische Kultusminischter stoht.

De Dialäkt vo Salem ghert zum Bodeseealemannisch.

• Autorenkollektiv: Salem. Kaleidoskop einer blühenden Gemeinde. Buchhandlung Papyri, Salem-Mimmenhausen 2000, 72 S., ISBN 3-929551-08-X

 Commons: Salem (Baden) – Sammlig vo Multimediadateie

• www.salem-baden.de