Stéphane Hessel
Dr Stéphane Frédéric Hessel (* 20. Oktober 1917 z Berlin; † 27. Februar 2013[1] z Bariis) isch e franzöösische Résistance-Kämpfer, Häftling im Konzentrationslager Buechewald, Diplomat, Lyriker, Essayist und politische Aktivist gsi.[2]
Dr Hessel isch noch em Chrieg 1946 Büroläiter vom Vize-UN-Generalsekretär Henri Laugier worde. In deere Funkzioon isch er an de Sitzige vo dr Menscherächtskommissioon drbii gsi. Es git Bricht in de Medie, ass er bi dr Redakzioon vo de Allgemäine Erklärig vo de Menscherächt vo dr UN mitghulfe het, är sälber het aber immer gsäit er sig nume e Züüge vo deene Eräigniss gsi. Dr Hessel isch bis 1951 bi dr UNO bliibe, denn het er im franzöösische Usseministerium z Bariis afo schaffe. Er isch denn Mitarbäiter vom Pierre Mendès-France worde, und wo dä gstürzt isch, het er e baar Joor lang z Vietnam gläbt. 1962 het er in Frankriich d Veräinigung für d Usbildig vo afrikanische und madagassische Arbetnäämer gründet.
Dr Hessel isch 2010 vor allem wäge sim Essey Indignez-vous! (Düend öich empööre!) bekannt worde, won er din verschidnigi aktuelli politischi Entwicklige kritisiert und zum Widerstand ufgrüeft het. D Brotestbewegig in Spanien gege d Folge vo dr Finanzkrise, und die entsprächende griechische, franzöösische und portugiisische soziale Brotestbeweegige und d Occupy-Beweegig[3] berüefe sich zum Däil uf iin.[4]
Schrifte (Uswaal)
- Danse avec le siècle. Seuil, Paris 1997, ISBN 2-02-023556-0.
- dütsch: Tanz mit dem Jahrhundert. Erinnerungen. Arche, Zürich 1998, ISBN 3-7160-2238-1.
- Ô ma mémoire. La poésie, ma nécessité. Seuil, Paris 2006, ISBN 2-02-087393-1.
- dütsch: Ô ma mémoire. Gedichte, die mir unentbehrlich sind. Übersetzt vom Michael Kogon. Grupello, Düsseldorf 2010, ISBN 978-3-89978-124-3.
- Citoyen sans frontières. Conversations avec Jean-Michel Helvig. Fayard, Paris 2008, ISBN 978-2-213-63372-5.
- Indignez-vous! Indigène, Paris 2010, ISBN 978-2-911939-76-1.
- dütsch: Empört Euch! Übersetzt vom Michael Kogon. Ullstein, Berlin 2011, ISBN 978-3-550-08883-4.
- dütschi Fassig as Höörbuech, glääse vom Christoph Bantzer. Hörbuch Hamburg, Hamburg 2011, ISBN 978-3-89903-346-5.
- Engagez-vous! Entretiens avec Gilles Vanderpooten. Aube, La Tour d’Aigue 2011, ISBN 978-2-8159-0229-8.[5]
- dütsch: Engagiert Euch! Stéphane Hessel im Gespräch mit Gilles Vanderpooten. Übersetzt vom Michael Kogon. Ullstein, Berlin 2011, ISBN 978-3-550-08885-8.
- Mit Elias Sanbar: Le Rescapé et l’exilé: Israël–Palestine, une exigence de justice. Don Quichotte, Paris 2012, ISBN 978-2-359-49059-6.
- dütsch: Israel und Palästina: Recht auf Frieden und Recht auf Land. Übersetzt vom Edmund Jacoby. Jacoby & Stuart, Berlin 2012, ISBN 978-3-941787-83-4.
- An die Empörten dieser Erde! Vom Protest zum Handeln. Uusegee vom Roland Merk. Aufbau, Berlin 2012, ISBN 978-3-351-02758-2.
- Mit Tendzin Gyatsho: Déclarons la paix. Pour un progrès de l’esprit. Indigène, Montpellier 2012, ISBN 979-10-90354-19-7.
- dütsch: Wir erklären den Frieden! Ullstein, Berlin 2012, ISBN 978-3-550-08024-1.
Briis (Uswaal)
- 1998: Four Freedoms Award, in der Kategorii Freiheit von Not
- 2008: UNESCO-Briisdrääger (Bilbao Prize for the Promotion of a Culture of Human Rights).[6]
- 2009: Eugen-Kogon-Briis
- 2011: Prix de l’Academie de Berlin der Robert-Bosch-Stiftung für die deutsch-französischen Beziehungen.[7]
- 2012: Prix Mychkine[8][9]
Litratuur
- Ronald Hirte, Hannah Röttele, Fritz von Klinggräff: Von Buchenwald(,) nach Europa. Weimarer Verlagsgesellschaft, Weimar 2011, ISBN 978-3-941830-14-1.
Film
Weblingg
Commons: Stéphane Hessel – Sammlig vo Multimediadateie- Stéphane Hessel in de Internet Movie Database (änglisch)
- Diplomat des Lebens und der Poesie. Porträt vom Moritz Reininghaus Jüdische Zeitung (Berlin) Januar 2011
Fuessnoote
 | Dä Artikel basiert uff ere fräie Übersetzig vum Artikel „Stéphane_Hessel“ vu de dütsche Wikipedia. E Liste vu de Autore un Versione isch do z finde. |