Staatligi Hoochschuel fir Musik Drossinge

Gleert wääre Bachelor- un Masterstuudiegäng inkl. Schuelmusik mit em Verbraiterigsfach Jazz- un Populaarmusik un Evangeelischi Chilchemusik (B) un d Ufböustuudiegäng Evangeelischi Chilchemusik (A) un d Solischteklass. Mit em Inschtitut fir Alti Musik het d Hoochschuel e Uusbildigsstätt fir Histoorischi Uffierigspraxis. Anderi Uusbildigsschwäärpinkt sin s Fach Ritmik un d Inschtrumentaal- un Gsangsmetoodik in Zämenaarbet mit Bildigsyyriichtig in dr Regioon.

As neie Schwäärpunkt isch 2017 s Landeszäntrum Musik-Design-Performance grindet woore. S verstoot si as Bruggeböuer zwische innovatiive Aasätz vu unsrem digitaale Zytalter fir chinschtlerischi Praxis, Foorschig un Leer un Dradizioon vu chinschtlerische Diszipliine. Im Sinn vun eme Atelier schafft s neii Ryym fir dr Erhalt un d Fuurtschryybig vum musikaalisch-chinschtlerische Eerb, formuliert musikaalischi Gstaltigsaasprich un hinterfrogt mediaali Soundgstaltig.

In Kooperazioone mit Veraastalter hän si chammermusikaalischi Kunzärtraie etabliert, all Joor finde Proobefaase statt, wu zytgnessischi Chammermusik, grooßi sinfoonischi un vokaali Wäärch ufgschafft un in dr Regioon bresäntiert wääre. Hegschtpinkt sin d Barockorcheschter- un Barockoopereprojäkt vum Inschtitut fir Alti Musik, d Biineprojäkt vu dr Ritmikabdailig, di sinfoonische un choorsinfoonische Projäkt vu Hoochschuelchoor un -orcheschter un d Musikteaterprodukzioone in Zämenaabet mit dr regionaale Kultuurszeene. Syter 2006 veraastaltet d Hoochschuel zäme mit dr Eschinger Musikdääg unter em Titel The Next Generation e Off-Festival fir Noochwugskumpenischte.

S git e Zämenaarbet mit dr Juugedmusikschuele vu dr Regioon im Beraich Inschtrumentaal- un Vokaal-Metoodik. Doderby stoot d Fachgruppe in ständigem Gedankenuusdusch mit em Landesverband vu dr Juugedmusikschuele z Baade-Wiirtebäärg. Syt em Summer 2005 isch d t Drossinger Musikhoochschuel derzue di elaainig Gsellschafteri vu dr Musikakademie Villingen-Schwenningen gGmbH, wu si di musikaalisch Braite- un Begoobtefeerderig in dr Geegnig will feerdere dermit.

Uusgwytet wooren isch d Musikhoochschuel dur e 4. Böuabschnitt, wu d Grundstai dessen 21. April 2005 glait woore sin. Dr Böu isch zum Wintersemeschter 2006/2007 offiziäll yygweit woore. In däm Zämehang isch au d Hoochschuelbiblioteek uusgwytet un modärnisiert woore. D Freihandbiblioteek het iiber 26.500 Biecher, 60.000 Note, 7000 Doondreeger, 80 Zytschrifte un Joorbiecher im Lauf un 650 Mikrofoorme. Di gsamte Bständ sin im Sidweschtdytsche Biblioteeksverbund (SWB) noogwiise un chene im OPAC vu dr Musikhoochschuel rescherchiert un iber e lokaal Biblioteekssischteem uusgleent wääre.

Unter dr Fääderfierig vu dr Hoochschuel isch e Erasmus-Netzwäärch grindet woore, wu in dr Zwischezyt iiber 40 europäischi Musikhoochschuele aagheere. Syter 1997 git s Paartnerschaft mit dr California State University z Kalifornie, USA.

Räkter*ne

• 1971–1980: Eugen Frosch
• 1980–2006: Jürgen Weimer
• 2006–2018: Elisabeth Gutjahr
• syt 2019: Christian Fischer

Leerer*ne

• Websyte vu dr Musikhoochschuel Drossinge

0V Universitete un Hochschuele z Bade-Wirttebärg

Staatligi Universitete	Friburg • Haidelberch • Haalbrunn • Hoohoem • Kallsruh • Konschtanz • Mannem • Stuegert • Dibenga • Ulm
Privati Universitete	Friedrichshafe
Pedagogischi Hochschuele	Friburg • Haidelberch • Kallsruh • Ludigburg • Gmend • Waegaade
Chunschthochschuele (inkl. Musikhochschuele)	Friburg • Haidelberch • Kallsruh (Musik, Bildendi Chinscht, Gstaltig) • Ludisburg (Filmakademi, Darstellendi Chunscht) • Mannem (Musik un Darstellendi Chunscht, Popakademi) • Rauteburg • Gmend • Stuegert (Musik un Darstellendi Chunscht, Bildendi Chinscht) • Drossenga • Dibenga
Staatligi (Fach-)Hochschuele	Albstadt-Semmerenga • Bibra • Esslenga • Furtwange • Haalbrunn • Kallsruh • Kähl • Konschtanz • Ludisburg • Mannem (HS, HdBA) • Nirtenga-Geislenga • Offeburg • Oole • Pforze • Raveschburg-Waegaade • Reitlenga • Rauteburg • Schwetzinge • Stuegert (HfT, HdM) • Ulm • Villinge-Schwenninge
Chilchligi un Privati (Fach-)Hochschuele	Calb • Friburg (EH, HKDM, KH) • Hailbrunn • Haidelberch (Fresenius, SRH, HfJS) • Isny • Kallsruh • Konschtanz • Liabazell • Ludisburg • Mannem • Reitlenga • Riedlenga • Stuegert (AKAD, Freii HS, media, Merz, VWA, HfK+G, Macromedia)
Duali Hochschule Bade-Wirttebärg	Haalbrunn • Hoedna • Kallsruh • Löörech • Mannem • Mosbach • Raveschburg • Stuegert • Villinge-Schwenninge

48.0753918.63823748° 4′ 31,4″ N, 8° 38′ 17,7″ O

Dä Artikel basiert uff ere fräie Übersetzig vu dere Version vum Artikel „Staatliche_Hochschule_für_Musik_Trossingen“ vu de dütsche Wikipedia. E Liste vu de Autore un Versione isch do z finde.