Veronika Minder

D Minder isch z Spiez ufgwagse un deert vu 1955 bis 1967 uf d Primarschuel un d Sekundarschuel gange. No dr Matura Typ B z Inderlache het si vu 1967 bis 1976 an dr Uniwersitet Bärn Chunschtgschicht, klassischi Archeology un Publizischtik studiert un as Lic. phil. hist. abgschlosse.

Ab 1977 het si bim gnosseschaftlige Schallblattelaade «Tribe Productions» z Bärn, z Soledurn un z Burgdorf gschafft. Vu 1981 bis 1988 isch si Mitinhaaberi vum «Spray Tutto» (speeter «Klima» un «Variato») mit Airbrush-Aarbete gsii. Si het Kunzärt, Moodischaue un Multi-Media-Veraastaltige z Bärn un z Züri organisiert.

Vu 1988 bis 1997 het si d Gschäft vum «Kellerkino» z Bärn glaitet. Si het im Lauf vu dr Joor Filmzykle, Sunderveraastaltige un Kino-Dräffe un verschiideni Veraastaltige iniziiert:: «FrauenFilmTage Schweiz» (NouvElles), «Die Zauberlaterne» (Kinderfilmklub, Sektion Bern), un anne 1996 zäme mit em Patrik Martinez s Lesbisch-schwul Filmfestival «Queersicht». Derzu isch si im Voorstand vum Schwyizerische Studiofilm-Verband Cinélibre gsii.

Ab 1999 het si wider as freii Kulturvermittleri gschafft. Si verschiideni Veraastaltige im Kulturberaich organisiert un duuregfiert, unter anderem Film- un Videoraie (Cinématte, Dampfzentrale, Lichtspiel Kinemathek), Kunzärt (basel sinfonietta, Dampfzentrale, HMT Bern), s Kult-Hur-Festival, UFA-Fabrik, Berlin, Auftakt 2000, Kulturfestival Dampfzentrale, d Berner Tanztage «SexChangeSex» un anderi.

2001 het si dr Chuurzfilm «Kisten, Schachteln und Panamericana. Margrit Baumann - Fotoreporterin’ (Beta SP, 12’) gmacht. Ire Dokumänttarfilm «Katzenball» mit eme Portrait vu dr Fotograafi Liva Tresch (23005, 35 mm, 87‘) het sy Premiere uf dr Soledurrer Filmdääg ghaa. Mitr däm Film het d Minder verschiideni Bryys gwunne. Dr Dokumäntaarfilm «My Generation» vu 2012 het si unter anderm mit em Willi Wottreng drillt.

D Minder isch Mueter vun eme Suhn un läbt z Bärn.

• 2005: Katzenball (Le bal des chattes sauvages)
• 2012: My Generation

Fir Katzenball

• 2005: Teddy Award, beschte Dokumäntaarfilm bi dr 55. Berlinale
• 2005: Bärner Filmbryys, Dokumäntaarfilm
• 2005: Zürcher Filmbryys
• 2005: Paris International Lesbian and Feminist Film Festival, beschte Dokumäntaarfilm (Zueschauerbryys)
• 2005: CSD-Stonewall-Award
• 2005: International Jury Award fir di bescht Dokumäntazioon bim Feschtiwäl Identities 2005, Wien
• 2005: «Special mention vu dr Jury» bim International Festival con Thematiche Omosessuali, Turin

• Veronika Minder in dr Internet Movie Database
• Lebenslauf – Veronika Minder Grossenbacher (Stand 2005)