What You Don't Know
us em Album Strictly Physical | ||
| A-Syte | "What You Don't Know" | |
| B-Syte | "Say Yes" | |
| Usecho |  7. Dezember 2007 | |
| Format | CD Single, Klingelton, digitali Single | |
| Uffgno | 2007 im Weryton Studios München | |
| Genre | Pop | |
| Längi | 3:45 | |
| Label | Starwatch | |
| Schriber | Mattias Lindblom, Billy Mann, Anders Wollbeck | |
| Produzänt | Jiant, Snowflakers | |
| Letschti Single: | Neui Single: | Nöchschti Single: |
| "Strictly Physical" (2007) | "What You Don't Know" (2007) | "We Love" (2008) |
"What You Don't Know" esch e Pop-Ballade vom dütsche Pop-Trio Monrose. De Song esch gschrebe worde vom Mattias Lindblom, Billy Mann ond em Anders Wollbeck ond esch co-produziert worde vom Produktions-Team Jiant ond de Snowflakers ond esch als dretti ond letschti Single vom zwöite Albom Strictly Physical am 7. Dezember veröffentlecht worde.
Musigvideo
S Musigvideo vo "What You Don't Know" esch gleitet worde vom Markus Gerwinat ond esch am 13. November in Hamburg dräiht worde, am 23. November esch d Videopremiere gseh bim dütsche Musig-Sänder VIVA ide Sändig VIVA Live!.[1] Im Video gseht mer am Afang e Frou wo usem Bett gohd, während dem ehre Partner sie aluegt, jedoch ignoriert sie ehn. Denn gseht mer die drüü Froue vo Monrose in Chorzusschnett wo zum Lied sengid. D Bahar gseht mer dörs ganze Video döre, do sie die meiste Strophe sengt, während dem d Senna ufem Hendersetz vomene Taxi esch. D Mandy gseht mer elei. Die Frou vo dere Gschecht läbt ehres Läbe, während dem ehre Maa ehre ständig fougt ond sie nehmt ehn witerhe ned vor. Am Ändi vom Video werd offenbart, dass dä Maa bine Outoomfall oms Läbe cho esch. Sie het ehn emmer no gliebt. Im Maa sine Körper verblasst, wo d Frou d Wohrheit erfahrt ond s Video neigt sech em Ändi zue.
Promotion
Monrose hend metem Lied "What You Don't Know" zahlriichi Uftrett absolviert. Onder anderem bim Popstars On Stage-Finau (ProSebe)[2], bi KiKa live (KiKa)[3], Viva live (VIVA)[4] , Jetzt wird eingelocht (SAT1)[5], Alles für die Frauen (MDR)[6], The Dome (RTL II)[7] ond veli meh.
Chart Plazierige
S Lied het d Top Ten in Dütschland ond vo de Slowenische Airplay erreicht. Eventuell hets de Song dor die zahlriche Uftrett 18 Woche ide Dütsche Single Charts gschafft ond esch somet die Single wo am längschte i de Dütsche Single Charts gseh esch.[8]
Charts
| Chart (2007) | Höchst- position |
|---|---|
| Dütschi Single Charts[9] | 6 |
| Euro 200[10] | 5 |
| Europäischi Hot 100 Singles[11] | 23 |
| Lithauischi Airplay Charts[12] | 45 |
| Östriichischi Single Charts[13] | 16 |
| Schwiizer Single Charts[13] | 34 |
Songlischte
Das send Ufstellige ond Songlischte vo "What You Don't Know".
CD single
- "What You Don't Know" (Album Version) - 3:45
- "What You Don't Know" (Candlelight Mix) - 3:49
- "Say Yes" - 3:53
- "What You Don't Know" (Instrumental) - 3:45
Credits ond Bsetzig
- Gsang: Mandy Capristo, Senna Guemmour, Bahar Kızıl
- Text: Anders Wollbeck, Mattias Lindblom, Billy Mann
- Produktion: Tim Hawes, Pete Kirtley, Christian Ballard, Andrew Murray & Obi Mhondera for Jiant, Snowflake
- Mixing: Dan Frampton
- Gleitet vom: Claus Üblacker
- Beholfe vom: Andrew Lunch & Haniff Williams
- Ufgnoh worde im Weryton Studio, München