Academia Aragonesa d'a Luenga
- No entivocar-se con l'Academia d'a Luenga Aragonesa, institución publica precedent y desapareixida en l'actualidat, ni con l'Academia de l'Aragonés, nombre rechistrau por o Estudio de Filología Aragonesa, institución de caracter privau.
| Academia Aragonesa d'a Luenga Academia Aragonesa de la Lengua | |
|---|---|
 | |
| Datos chenerals | |
| Tipo | |
| Siglas | AAL |
| Embotada | |
| Lema | ' |
| Establimiento | 9 de mayo de 2013 |
| Fundador | |
| Localización | |
| Adreza | Carrera Sant Antonio Abad, 38, pl. 3 |
| Ciudat | Zaragoza |
| País |  Aragón |
| Estato | |
| Coordenatas | |
| Atras seus | |
| Campus | |
| Profesors | |
| Estudiants | |
| • Bachillerato | |
| • Pregrau | |
| • Postgrau | |
| • Doctorato | |
| • Atros | |
| Treballadors | |
| Funcionarios | |
| Administrativos | |
| Mascota | |
| Colors | |
| •Academicas | |
| •Esportivas | |
| Administración | |
| Rector | |
| Vicerrector | |
| Canciller | |
| Vicecanciller | |
| President | Javier Giralt Latorre |
| Director | |
| Degán | |
| ' | |
| Afiliacions | |
| Financiamiento | |
| Sitio web oficial | |
L'Academia Aragonesa d'a Luenga (oficialment Academia Aragonesa de la Lengua) ye una institución cientifica de caracter oficial y publico, creyada por a Lei 3/2013, de 9 de mayo, d'uso, protección y promoción d'as luengas y modalidaz lingüisticas propias d'Aragón[1] como autoridat lingüistica de l'aragonés y o catalán. Substituye a l'Academia d'a Luenga Aragonesa y a l'Academia Aragonesa d'o Catalán, creadas con l'anterior lei, as cuals no se constituyeron.
Os suyos estatutos fueron aprebaus por o Gubierno d'Aragón o 10 d'abril de 2018, estando publicaus en o Boletín Oficial d'Aragón o 20 d'abril de 2018[2].
Tien personalidat churidica propia y exerce as suyas funcions con autonomía organica, funcional y presupuestaria, ta guarenciar a suya obchectividat y independencia.
Estructura
L'Academia ye compuesta por dos institutos: l'Instituto de l'Aragonés y l'Institut Aragonès del Català, que podrán proposar a o Pleno de l'Academia as normas d'uso correcto de l'aragonés y catalán en Aragón, respectivament.
Competencias
Seguntes a Lei 3/2013 y os suyos propios estatutos, son fins de l'Academia Aragonesa d'a Luenga:
- Estableixer as normas referidas a l'uso correcto d'as luengas y modalidaz lingüisticas propias d'Aragón, por os suyos institutos.
- Asesorar, por os suyos institutos, a os poders publicos y institucions sobre temas relacionaus con l'uso correcto d'as luengas y modalidaz lingüisticas propias y con a suya promoción social.
- Desembolicar aquellas fainas que, en l'ambito d'a suya competencia, l'encargue o Gubierno d'Aragón.
Academicos
Seguntes os suyos estatutos, l'Academia Aragonesa d'a Luenga podrá tener dica un maximo de 30 academicos de numero, y un numero indeterminau d'academicos correspondients y academicos d'honor. Os academicos habrán d'estar personas de reconoixito prestichio en l'ambito d'a filolochía, literatura y lingüistica, preferenment doctors, y con preferencia de nativos, que cuenten con una larga trachectoria en a practica y o fomento d'os valors lingüisticos y literarios propios d'a comunidat aragonesa, y en a que ye representaus as luengas y modalidaz lingüisticas propias d'Aragón.
En l'actualidat tiene 15 academicos de numero, que son os siguients[3]:
- Carmen Alcover Pinós.
- María Luisa Arnal Purroy.
- José Bada Panillo.
- María Pilar Benítez Marco.
- Manuel Castán Espot.
- María Ángeles Ciprés Palacín.
- Ánchel Conte Cazcarro.
- Javier Giralt Latorre.
- Mercedes Llop Alfonso.
- Juan Pablo Martínez Cortés.
- María Teresa Moret Oliver.
- Francho Nagore Laín.
- Francho Rodés Orquín.
- Ramón Sistac Vicén.
- José Solana Dueso.
Chunta de Gubierno
La primera Chunta de Gubierno estió eslechida l'1 d'otubre de 2021, con os siguients miembros:[4]
- President: Javier Giralt Latorre.
- Vicepresident: María Pilar Benítez Marco.
- Secretario: Juan Pablo Martínez Cortés.
- Tresorera: María Teresa Moret Oliver.
La Chunta de Gubierno de l'Academia se completa con dos vocals triaus per l'Instituto de l'Aragonés y atros dos per l'Institut Aragonès del Català. Lo 21 de marzo de 2022 se contituyioron los plenarios d'os dos institutos, que eslichioron a los siguients vocals[5]:
- María Ángeles Ciprés Palacín
- Merxe Llop Alfonso
- Francho Rodés Orquín
- Ramon Sistac Vicen
Instituto de l'Aragonés y Institut Aragonès del Català
Seguntes los Estatutos de l'Academia[2], esta ye composada per dos institutos: l'Instituto de l'Aragonés y l'Institut Aragonès del Català, que s'encargarán de proposar las normas de l'uso correcto de l'aragonés y d'o catalán en Aragón. Tamién tienen, entre atras, las competencias d'inventariar y actualizar lo suyo lexico, estimular lo suyo uso, la ensenyanza y difusión d'a luenga, la de colaborar en a formación d'o profesoau u la d'asesorar a los poders publicos y institucions sobre temas relacionaus con estas dos luengas.
Los Plenarios d'os institutos se constituyioron lo 21 de marzo de 2022[5], día en que tamién s'eslichioron los cargos d'as suyas Comisions Permanents, que son los siguients:
Comisión Permanent de l'Instituto de l'Aragonés
- Director: Ánchel Conte Cazcarro
- Subdirector: Juan Pablo Martínez Cortés
- Secretario-Administrador: Francho Nagore Laín
- Vocal: María Pilar Benítez Marco
- Vocal: Manuel Castán Espot
Comisión Permanent de l'Institut Aragonès del Català
- Director: Javier Giralt Latorre
- Subdirector: Ramos Sistac Vicen
- Secretario-Administrador: María Teresa Moret Oliver
- Vocal: Merxe Llop Alfonso
- Vocal: Carmen Alcover Pinós
Referencias
Se veiga tamién
Vinclos externos
- (es) Sitio web oficial
