Almonecir de la Cuba

A localidat d'Almonecir de la Cuba ye situata a 488 metros d'altaria sobre o ran d'a mar, en a marguin ezquierda d'o río Aguas, a una distancia de 55 km d'a ciudat de Zaragoza, a capital d'a suya provincia y d'Aragón.

Prene o l'apelativo suyo de la Cuba por l'entibo que i facioron os romanos en o sieglo I. No ye d'orichen arabe como gosa dicir-se pero continaba funcionando en ixa epoca.

Bi heba un monesterio en epoca visigotica, y este ye l'orichen d'o nombre. A etimolochia d'o nombre ye mozarabe, no arabe, encara que i trobamos al, y se remonta a o latín MONASTERIUS, como o catalán monestir pero con paso de ST a z como en Caesaragusta -> Zaragoza.

En fuents musulmanas ye mencionato como hisn al-Munastir (Al-Udri) u hisn Bani Jattab (Yakut). En fuents cristianas aragonesas o nombre ha tenito as variants Almonacir, Almoneçir, Almoniçin, Almonazid. L'apelativo "de la cuba" existe ya en 1383. En 1441 trobamos Almonecir de la Cuba en un texto sobre una controversia con os diezmos. Sale en o Fogache de 1495 como Almonecir de la Cuba.

Al Udri da unas informacions interesants sobre hisn al-Munastir que permiten una correcta identificación en un texto escrito en arabe:

Yakut exposa con brevedat que:

Se creye que Almonecir de la Cuba fue conquiesto en 1117/1118 con Alifonso I. Existen referencias escritas a l'entibo dende 1163, en a epoca d'o rei Alifonso II. Existioron dos prebas d'expulsión d'a comunidat musulmana, a primera, de Ximeno Cornel, que falló, y a segunda, de Pedro Férriz de Sesé, que podió poblar o lugar con cristianos en 1323 (u mesmo, ta atros autors, antes de 1323).^[1]

A ilesia de Santa María la Mayor d'Almonecir de la Cuba, una ilesia d'a segunda mitad d'o sieglo XVI adedicada a Santa María. Ye un edificio construyiu en mampostería con nomás que una sola nau dividida en tres trampos con capiellas en planta rectangular y con una torre adosada.^[4]

A ermita d'a Virchen d'os Dolors, una ermita en estilo barroco.^[5]

• Se veigan as imáchens de Commons sobre Almonecir de la Cuba.
• (es) Pachina web oficial municipal.

• Miguel Arenillas Parra et al. La presa de Almonacid de la Cuba. Del mundo romano a la ilustración en la cuenca del río Aguasvivas. Gobierno de Aragón, 1996.